Luke 5:17 - Dannau

¹⁷ အ့်ရှိနွို့ ကိုယ်တော်ယေရှုတန်းဘာ့ဟောကရီအာမဲ့နွို့နု့ တဘိုမေ့မေ့နွို့မှ ဖြိုင်ဂါလိလဲ၊ ဖြိုင်ယုဒ၊ ဗဟိုမဲ့မြိုဂျေရုဆလင် တာ့တဘို့နွို့မှ ဘာ့ဗွို့မဲ့ ဖာရိရှဲဘိုဘက်န ဆာယာပါလိတ်ကျမ်းဘို့ဘက်နောင်းလဲဉ်း တာ့မေ့တာ့လွက်နွို့ ထု့စ်တွို့ထာမန်မဲ့ကြဘို့နွို့နဲ့။ ဖြားနောင်း ကိုယ်တော်နွို့ အ့်ကစုရောဂါလို့ဘို့ဘက် အ့်ဗာပွန် တန်ခိုးနွို့နား အာတော်မူဘို့နွို့နဲ့။

Luke 5:17 Iomraidhean Croise

Luke 15:2

ချန်နွို့နု့ ဖာရိရှဲဘို့ဘက်န ဆာယာပါလိတ်ကျမ်းဘို့ဘက်နား “လို့နီးနောင်း လို့အပြစ်ဒုစရိုက်ဘို့ဘက်န စုကြဘို့ဘို့ပေ့စယ်မှကာ့ကော လို့ဇာ့နွို့နအနုဲင်နုဲင် စွေဟက်မဲ့ဟောက်ကိုး” နွို့ကရကြဘို့နွို့နဲ့။

Luke 2:46

ဆောင့်ကနို့ကူအွီရှိနောင်း ခွို့နွို့နု့ လို့အရွေပေ့ယေရှုနောင်း တဗိမာန်တော်နို့ ကောင်ဗလဂျုးဘာသာရေးဆာယာနွို့ ထု့မဲ့ဘို့နောင်း ထွိဟောက်နွို့နဲ့။

Luke 5:21

ချန်နွို့နု့ ဖာရိရှဲဘိုဘက်န ဆာယာပါလိတ်ကျမ်းဘို့ဘက်နောင်း “ကွားကိုးရား စော်ကားမဲ့ ဖြားနွို့နား လို့နီးနွို့ သိုလ်အမ်သိုလ်အမ် အ့်ထုန်မဲ့ဖြားကိုဟား။ တာလိုလ်တွို့ဖြားနွို့ ဆောင်ကွေမှ အပြစ်နွို့နု့ ခွင့်လွှတ်အာနွို့ လာ့ယို့နိုင်းကော” နွို့စဉ်းစားကြဘို့နွို့နဲ့။

Luke 5:30

ဖာရိရှဲဘို့ဘက်န ဆာယာပါလိတ်ကျမ်းဘို့ဘက်နား တပည့်တော်ကိုယ်တော်နား “ခွို့နွို့နု့ လို့တန်အကောင့်နီး၊ လို့ယို့အပြစ်ဒုစရိုက်ဘို့ဘက်န ရွားအနုဲင်နုဲင်စွေမဲ့ကြဘို့နား” နွို့ ကာရကြဘို့နွို့နဲ့။

Luke 6:19

တာ့ကိုယ်တော်နွို့မှ တန်ခိုးဘို့ဘက်လေတွို့ထာ အ့်ကစု့ရောဂါဘို့ဘက်နွို့ အ့်ဗာပွန်ဟောက်နွို့ခေါင်း လို့စေ့ကွက်နောင်းလဲဉ်း ကိုယ်တော်ယေရှုနား ခိုက်မာန့်နိုင်းအောင် ကြိုးစားကြဘို့နွို့နဲ့။

Luke 7:30

စနွိုလဲ ဖာရိရှဲဘို့ဘက်န ဆာယာပါလိတ်ကျမ်းနွို့နား တာ့ယောဟန်နွို့ ခံအွေကောအွူမင်္ဂလာနွို့ခေါင်း တာ့ခွို့နု့နောင်း ဖြားဘာ့စီစဉ်ပွို့မဲ့ဇာ့နွို့နု့ ညောင်းပယ်လောက်ဟောက်ကြဘို့နွို့နဲ့။

Luke 8:46

စနွို့လဲ ကိုယ်တော်ယေရှုနား “အာ့်ကွက်ကွက်နား ခိုက်မာန့်အို့ကိုး။ ရွားနွို့ပဒေကား တာ့အို့နီး တန်ခိုးဘာ့လေးပွန်နွို့နား အို့ငန်းဟောက်” နွို့ဖြိုပလောက်အခွပ်နွို့နဲ့။