Luke 24:6 - Dannau

⁶ ကိုယ်တော်ယေရှုနောင်း တာလွက်နွို့နု့ လာ့ဟိုကော။ အမ်နောင်း ဘာ့ဗီးနွို့မှ အ့်ထက်ပလုဲင်းဘက်တွို့။ ဖြိုင်ဂါလိလဲပြည်နွို့ အမ်နအနုဲင်နုဲင် ဘာ့ဟိုချန်နွို့နု့ ပွို့နွို့နု့ အမ်ဘာ့ဟောဖြိုပွို့နွို့နု့ နောင်ထွိကြဘို့နေ။

Luke 24:6 Iomraidhean Croise

Luke 24:34

လို့ဘာ့စုဝေးနွို့မေ့မေ့နွို့ ဘာ့လောက်ရန်းပိုလို့အဲဉ်နား ကိုယ်တော်ယေရှုနောင်း ဘာဗီးနွို့မှ အ့်ထက်ပလုဲင်းဘက်တွို့ခါလောလောနွို့ ရှိမုန်နား ခံမ်အမ်ဘာ့မင်ဥရင်နွို့ ဖြိုပလေမဲ့ကြဘို့နွို့နဲ့။

Luke 24:5

ကမြနွို့နောင်းလဲဉ်း ကဒိုက်ကဒယော့တွို့ကြဘို့ထာ ကွေကသေ့ကုန်းနွို့ ထောက်မဲ့ဘို့တောင်ဂို့နွို့နဲ့။ စနွို့လဲ လို့နွို့အဲဉ်ကွက်နွို့နား “လို့ဘာဗီးနွို့စယ် ဘာ့ဗွို့ပို့မဲ့ တောင်ခြိုင်းဂူနွို့ ရွား လို့အထက်ပလုဲင်းနွို့ ရက်ကြဘို့နောင်း။

Luke 9:22

နွို့ခေါင်း ကိုယ်တော်နား တပည့်တော်ဘို့ဘက်နား “ဘာ့ကလုဲင်ကွန်ဖြား အို့နောင်း ဒုက္ခဘာကုန်းနွို့မောင်းလိုလ့်ခံဟောက်နွို့ခေါင်း လို့မျိုးဂျူးအကုန်းအပေ့နွို့၊ ပုရောဟိတ်အကုန်းအပေ့နွို့န ဆာယာပါလိတ်ကျမ်းနား ဘာ့ညောင်းပယ်နွို့ မင်ခံလောက်ဟောက်။ လို့နောင်း အို့ဗင်ဗီခံယောနွို့နောင်း အို့နွို့ ဆောင့်လောက်အွီရှိမြောက်နွို့နား အ့်ထက်ပလုဲင်းဘက်လောက်ဟောက်” နွို့ဖြိုမနနဲ့။

Luke 9:44

“ပွို့နွို့ အို့ဘာ့ဖြိုနွို့နု့ ကမ်းကြဘို့မြဲမြဲနွို့ကိုးနဲ့။ ဘာ့ကလုဲင်ကွန်ဖြားအို့နီးနောင်း အချန်ကနိုကော မင်ဖောက်တွိုသစ္စာထာ ကောင်တိလို့ဘာ့ဆို့မဲ့ လို့အာဏာဘာ့ဟိုနွို့ မင်အပ်ခံတွို့” နွို့ဖြိုမနနဲ့။