Luke 19:9 - Dannau

⁹ နွို့ခေါင်း ကိုယ်တော်ယေရှုနား အမ်နွို့ “မို့နောင်း ကလုဲင်ကမာ့မျိုးဆက် အာဗြဟံ နွို့ခေါင်း စတွို့လုရှိနီးထာ မို့နမိသားစုမို့မေ့မေ့နွို့ ဖြားကယ်တင်အာတော်မူတွို။

Luke 19:9 Iomraidhean Croise

Luke 13:16

စနွို့နု့နွို့ ကနို့မာ့ကျင်စံဉ်နှမ်း ကလုဲင်ဘာ့မသန်စွမ်းအောင် မာရ်နတ်နား စက်သုတ်ပို့နွို့ထာ ဘာ့ပြုစားခံနွို့ ဘာ့ကလုဲင်မျိုးဆက် အာဗြဟံ ကမြနွို့နောင်းလဲဉ်း ရှိဥပုသ်နွို့ ဘာ့လွတ်မြောက်အာနွို့နား လွဲမှားဟောက်နွို့နား ဖြိုနိုင်းရား” ဟောဖြိုမနနဲ့။

Luke 13:30

အခွပ် အရေးတန်ကောနွို့ ဘာ့ယူဆမဲ့ပွို့နွို့နား ဖြားနွို့ အ့်ကလုဲင်တွို့ လို့အရေးတန်ထာ လို့အရေးတန်ဟောက်နွို့ ဘာယူဆမဲ့ပွို့နွို့နား ဖြားနောင်း လို့အရေးတန်ကောနွို့ သတ်မှတ်လောက်ဟောက်” နွို့ဟောဖြိုမနနဲ့။

Luke 16:24

စနွို့နား အမ်နောင်း ကလေ့စ်ညှင်းတွို့ထာ တို့အို အာဗြဟံ အို့နောင်း ကောင်ညွမ်းကြိန်းနီးနွို့ ဒုက္ခဘာ့ကုန်းမဲ့နွို့ မင်ခံမနနွို့ခေါင်း အို့နား သနားတော်စန်းနွို့နဲ့။ ကတပ်အို့နောင်း အ့်အေအောင်နွို့နု့ ကလောင်းတိ လာဇရုနွို့ စိုဉ့်တွို့အွူထာ အမ်နား ပလွှတ်တော်မူစယ်တာ့အို့” နွို့ဖြိုမနနဲ့။

Luke 16:30

စနွို့လဲ ကထေးနား ‘အဖအာဗြဟံ၊ ရီးနွို့နု့ လာ့လုံလောက်ကော။ ဘာ့ဗီးယော့ကု့ကောင်ခွို့နွို့နား အ်ာ့ကွက်ကွက်နွို့ ကုတွိုထာ တာအာသတိနွိုထာ အပြစ်တရာခွို့နု့ ဗင်လောက်ဟောက်နောင်တသံဝေဂနွို့’ ဟောဖြိုမနနဲ့။

Luke 2:30

ရွှားပဒေနွိုကား တာ့လို့ဘို့ဘက် အမ်းကယ်တင်နွို့ ဘာ့လွတ်တော်မူမဲ့အရှင်နွို့ အို့ရင်မာန်တွို့ကိုယ်တိုင်နွို့ကိုးနဲ့။

Luke 3:8

နွို့ခေါင်း ယောဟန်နား တာ့အမ်နွို့ အာအွူမင်္ဂလာbမောင်းခံအွေ လို့ဘာ့လောက်ပိုဘို့ဘက်နွို့နား “နီးနားလို့ဘာ့လံစွေဘေ့cနွို့၊ ဘာ့မောင်ကလွို့ပိုမဲ့ ဖြားနွက်ဘာဆိုးနွို့နား မောင်းပလက်နွို့ ကွားအာ့ဘို့သတိနွို့နား။