Luke 16:8 - Dannau

⁸ ချန်နွို့နု့ ကထေးနောင်း ဘာ့ရိုးသားကော မန်နေဂျာနောင်း တာသိုလ်အကျိုးအမ် ဘာ့တောင်းတောင်ဟောက်နွို့ခေါင်း ချီးမွမ်းမနနွို့နဲ့။ ရွားနွို့ပဒေကား လို့နာခံဖြားနွို့ မှ လို့ဘာ့နာခံကောနွို့နောင်း နာ့နွို့အတွိုန်းလို့အ့်ခြားဘို့ဘက်န ဆက်ဆံတွို့ထာ မန်းတောင်တောင်ထက်မန” နွို့ဟောဖြိုမနနဲ့။

Luke 16:8 Iomraidhean Croise

Luke 16:10

လို့အာ့်ကွက်ကွက်နောင်း ကိစ္စအ့်ပေ့အ့်ပနွိုနို့ သစ္စာဟိုဟို ဘာ့စီမံဟောက်နွို့နဲ့။ ဘာ့ကုန်းကန်းမဲ့ကိစ္စဘို့ဘက်နွို့ လို့သစ္စာဟိုဟောက်နွို့နဲ့။ စနွို့လဲ ကိစ္စအ့်ပေ့အ့်ပစားနို့ သစ္စာတာ့ဟိုကောနွို့နု့ ဘာ့ကုန်းကန်းမဲ့ကိစ္စဘို့ဘက်နွို့ တာ့ကုဲင်နွို့နု့ လာ့ရိုးသားကောနွို့နဲ့။

Luke 16:4

အ့်ယို့နွို့ထက်လေးပွန်ယော့နွို့ လို့နောင်း ညာ့ခွို့နွို့နု့ လက်ခံယော့ပွို့နား ခမ်းမန်းတလွက်နွို့ မင်ယို့ဇာ့မွှားနွို့ အို့ငန်းတွို’ နွို့တွေးလေမနနဲ့။

Luke 16:7

အခွပ် အခြားအာ့်ကွက်နောင်းလဲဉ်း ‘မို့နောင်းလဲဉ်း အကြွေးဟိုရီးမွှား’ နွို့မားယော့ လို့နွို့နား ‘ဂျုံအိတ်အာ့်ထောင် ခမ်းအာဟိုဟောက်’ နွို့ ဖြိုဟောက်ခေါင်း မန်နေဂျာနောင်းလဲဉ်း ‘ခှတ်စာရင်းနွို့ အိတ်စံဖြားနွို့တဲင်းစေး’ နွို့ဖြိုမနနဲ့။

Luke 18:6

နွို့ခေါင်း ကိုယ်တော်ယေရှုနား “ဗဟိုမဲ့ဘာ့ရိုးသားကောဘာ့ဖြောင့်မတ်ကော တရားသူကြီးနွို့ ဘာ့ကြံစည်ဘာ့ဖြိုပွို့မဲ့ ပနောင်နွို့နား စန်းစဉ်းစားရေစ်စန်းစဲ။

Luke 20:34

ကိုယ်တော်ယေရှုနား ခွို့နွို့နား “အခို့ ကောင်ကမ္ဘာလောကကုန်းနီး အထက်ပလုဲင်းဘာ့မန်းမဲ့နွို့စယ် အွေကြပွို့န ဘာ့အာဆွေကြဘို့နွိုနု့ ဘာယို့ကြဘို့နွို့နဲ့။

Luke 20:35

စနွို့လဲ လောင်ဘတ်ကာလနွို့ ဘာ့ဗီနွို့မှ အထက်ပလုဲင်းဘတ်နွို့န ရွေမြိုတော်နွို့ ထာဝရအထက်ပလုဲင်း မန်းနိုင်းအောင် ထိုက်တန်ဟောက်နွို့ ဖြားနား ဘာ့ယူဆမဲ့ ခွို့နွို့နောင်း အွေကြဘို့နွို့န အာဆွေကြဘို့နွို့နား ယို့ကြကောဘို့နွို့နဲ့။