Yakkobo 4:4 - NEAJEEDA EESH BEA BUUNEESSEAN

⁴ Fuga mii doobiiweadi! Moanali gideaba idupcheewi geaw ng'eanyiida ea nihuuwi weajoochcheanda Aseetta? Asi siida wassean gasa goduupchi geaw ng'eanyiida abeeda ea nisin geaw weajoochcheanda Aseetta

Bibliyeeda Ghaydit

⁴ Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

Yakkobo 4:4 Iomraidhean Croise

Mattayo 12:39

Ghwasha nea gwayeeshsha, “Seaygeeda munyas biissa gamealuuli ak ea mwajeattaw gwadeagooda; geaghus gwadeagooda ghayi bea sibaneeda suguura Yoona.

Mattayo 16:4

Seaygeeda munyas mealuuleadi ak gagasa gwadeagooda, ak ea mwajeattaw geaghus gwadeagooda ghayi bea Yoona.” Ng'atta ghwanung'wa heeda ak ghang'eat gawa.

Mattayo 6:24

“Manda siida ammu gagadiyeesa fiisu hees iyyeenya. Aba gideaba gayghwasit agi nea ghabwariiy niirja, ghana ghoang'ngwaay geat sea nii ak gafool niirja. Majoammuusa agadiyesiina Aseetta ea baruureega.”

Lukka 19:27

Ak fukka was weajoodigeasu magassa gideaba gaydaahaaghwa saawaan, ayeani hiji ak gonuuseadi aba madeedeanyu.’”

Yohaana 15:19

Inyeetta ghwanyawa gobeayi ng'eanyiida, gwachchi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaloachcheagwa aba jeeda ng'eanyiida, aba sareani ghwasteagwa ng'eanyiida.

Yohaana 17:14

Aniini naadawuji ng'ashandaang'u; amahit ghwasit ng'eanyiida aba gideaba saawa maba ng'eanyiida, gawuurji gidameabeaheattani aniini ng'eanyiida.

Yohaana 7:7

Ng'eanyiida moammu ghwasteagwa, duukku aniini ghwastan aba gideaba geamuuwwu gideaba gadiyoojigaaschi eamunyas.

Ruumi 5:10

Aba gideaba damanda duuw eawooseewana weajoodiga geettuupchaneasa sea Aseetta aba miyeeda Balleandaannyi, raanya muuchchi, iing'atta giduupcheeda geelealneasa aba jeeda aweagaaschi.

Ruumi 8:7

Nea fughareeda sikkeal ng'asheega saseeda ea muy aba heeda Aseetta; ghanyea mwamwasa deaweedeeda Aseetta, nea aba huumwa ghanyea maygwasissa mureeda;

1 Goriinto 1:20

Gwandeenu siida was weaghoochcheanda? Gwandeenu ng'oorshoochcheanda? Gwandeenu siida argweaji bea damani? Neada Aseetta ea mii ghwanung' ghoaw lendeeda weaghuumeeda ng'eanyiida?

1 Goriinto 1:21

Nea, aba weaghuumeeda Aseetta, ghanyea mwanala ng'eanyiida Aseetta aba naweeda weaghuumeeda, gohoosan Aseetta aba naweeda lendeetta bea ng'asheega surukkwiidiin ak abeeda geelealu fukka numwasiin.

Galattiya 1:10

Neada goaghayi gili eagasayi dashiit buuneeda, ghana Aseetta? Ghana eegasayi deahoosan buuneeda? Asi iiduw deahoosani buuneeda, ea maydoaw soomjeanda Gristo.

Yakkobo 1:27

Diineeda miy manda ririnnyeanda aba madeeda Aseetta was Ghweandean nii gil: bareassiinda bananga gil ea masiinung'weega aba jeeda sawanaduutka nyaawa, nea gufri geaw aba ng'asheega munyas bea muunda ng'eanyiida.