Mattayo 5:8 - NEAJEEDA EESH BEA BUUNEESSEAN

⁸ Ghang'wana fuga mideawa guroruunatka miyaas, aba gideaba gayghwahitta Aseetta.

Bibliyeeda Ghaydit

⁸ “Ghang'wana fuga mideawa gurooruunatka miyaas, aba gideaba gayghwadaah ASEETA.

Mattayo 5:8 Iomraidhean Croise

Gadiyeeda Giijasoodiga 15:9

ak ea masna shiitmeeda aba aseasa ea saawa, ak goohuun guroruunatka nyaawa aba masaweega.

1 Goriinto 13:12

Aba gideaba ghamneawa geeng'ulli geat giyooh aba jeeda misaneeda, nea damandida gaygwaroonnyi gheanyangaasa. Asi ghamneawa ghaanalli aba meatkweenagi; damandida gajadanal muuchchi, aba gideaba Aseetta ghwanalan muuchchi.

2 Goriinto 7:1

Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Ditto 1:15

Aba heeda fuga miyaas haleanjeessean amiyaas, nea gea munyas ea gea mandeawana masaweega aba heannyaawa manda gidamuy; fughareenga nyaawa ea gitteemshooda nyaawa ea munyas.

Ebraniya 10:22

ghang'wana geneekkiissi nea geebeayi guroruunatka huumwa nea geesikteawi muuchchi masaweega, nea geappuunna guroruunatkaasa aloheeda ak geang'ami ng'asheega munyas ak gehhuun sasanuukkaasa aba beega miyaas.

Ebraniya 12:14

Gagasa gimiriikta hoyyoo aba heeda buuneessean, aba ghaydidanda nea manda siida jea ghwadaa Ng'uttamiida iimandeawana.

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Yakkobo 4:8

Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

Giidaheechta 22:4

ak gayghwadaa gheamamdaannyi, nea gheawungaaschi gaygwanda gheamanunatka nyaawa.