Mattayo 10:2 - NEAJEEDA EESH BEA BUUNEESSEAN

² Gheawungeaba giijasoodusu attamaniyyeenyean ea suhu, dea madeeda Simoneeda suguura Betrohi ea oorjeeda ghaamwat suguura Andereya, ea Yakkobo balleanda Sebedaayo ea Yohaana oorjeeda ghaamwat.

Bibliyeeda Ghaydit

² Gheawungeaba giijasoodisu atamaniyeenyean ea suh, dea madeeda Simoneeda siguura Betarohi ea orjeeda ghaamwat siguura Andreya, ea Yakobo orjeeda Sebedayo ea Yohana orjeeda ghaamwat.

Mattayo 10:2 Iomraidhean Croise

Mattayo 17:1

Iing'atta eawooji lah ghwaat Yeesu Betro ea Yakkobo ea oorjeeda ghaamwat suguura Yohaana, ak goodeayi uhuuda giijeeda heeda geaw.

Mattayo 20:20

Ng'atta gawa Gheamatta jiilu balloojiga Sebedaayo ak gawa heeda nea goodeayi oorjooga aschi ama hitta gwatkuy ak gamus ng'ashaan.

Mattayo 26:37

Ghwaat Betro sea orju iyyeenya bea Sebedaayo, ak ghang'ut giseaneega ea gwadeawiit.

Mattayo 4:18

Damanda neayeewa aba ghuutta basooda Galilaaya, ghwadaa oorju iyyeenya bea ghaamwadagi, nea Simoneeda suguura Betro gil ea oorjeeda ghaamwat suguura Andereya, nea ghoabuutta gheareedanga nyaawa jeeda basooda; aba gideaba fuga leallu ghweayeega.

Mattayo 4:21

Gawa mwadi ak ghwadaa oorju iyyeenya bea ghaamwadagi, suuk Yokkobo balleanda Sebedaayo ea Yohaana oorjeeda ghaamwat, nea gwanda jeeda maleambooda sea Sebedayooyda was ghweanda nyaawa nea gwasin gheareedanga nyaawa, ak gaguursa.

Marko 1:29

Deagheatta gwaritteawa Yeesu jeeda ghooriida sinnealshachcheewa ak gawa nea godeayi Yakkobo ea Yohaana ea gaweay jeeda gheeda geaba Simon bea Andereya

Marko 13:3

Eaweechcha Yeesu goopteada aba uhuuda Gijeeda Masaytunajeega deaschi Gheeda Sibatta Aseetta gaweay geaba Betro ea Yakkobo ea Yohaana sea Andereya ak ghoanyaash Yeesu nea gaba geat gideaba,

Marko 6:30

Muchchu ea nibiigu fuga ghayi ajeakta Yeesu was Ginealangaaschi, hidu ghoadaw Yeesu iitta ginnisin ea gidanaal buuneeda.

Lukka 11:49

Ak gwayi weaghuumeeda Aseetta, ‘Gaydeajeakta sibanga ea giijasoodiga ak gaygwanuuseada mwatkwa nea geesawan,’

Lukka 22:14

Hitta damanda agiischooda goopteada niny ea giijasoodigaaschi gweagiischi.

Lukka 22:8

Iiduw gojeakta Yeesu Betro ea Yohaana nea gwayeeshsha, “Aweayeena asissina heechchea eyeaksiina Basakka.”

Lukka 5:10

nea abeeda gwanda Yakkobo ea Yohaana was balloojiga Sebedaayo sinuudayi gadiyeeda sea Simon. Ng'atta gwayeeshsha Yeesu Simon, “Adibeali; ghang'eada ghamneawa gaylealluuni buuneeda.”

Lukka 9:10

Muchchu ea nibiigu Giijasoodigaaschi gwarukusa iitta ginnisin. Ghwaat saawa ea ghwahitta mujiineeda suguura Betsayda.

Yohaana 12:22

Gawa Filippo ak gwarukusa Andereya; ak godeayi Andereya sea Filippo ak gwarukusa Yeesu.

Yohaana 13:23

Nea ginealaneanagi bwariiy Yeesu abeeda eaneekkeewa daghatta Yeesu;

Yohaana 20:2

Ng'atta ghafwach ea ghwahitta heeda Simon Betro ea ginealaneeda niirja ghayi bwariiy Yeesuun ak gwayeeshsha, “Sigeanda Ng'uttamiida aba jeeda bung'eeda ak ameanali heeda siyiin.”

Yohaana 21:2

Simon Betro, ea Domasoyda suguura Saleaygweanda ea Nattanaeliyda ng'eanyiida Ganeeda Galilaaya, balloojiga Sebedaayo, sea ginealangaaschi suuk iyyeenya, nea abeeda gwandeayi sean.

Yohaana 21:20

Iiduw ghwayamgeaw Betro ak ghwadaa ginealaneetta bwariiy Yeesuun, nea ghwaat geeshta, nea diitta ghayi diiw geaw aba daghattannyiin gil shing'ada damanda agiischooda nea ghoanyaash gideaba, “Ng'uttamiida siida jea ghwalaapnyi bwadaw ng'eaha?”

Yohaana 21:24

Ginealaneani nii dea muuwwu ng'asheesuun gil, ak ghang'waar; ak geanalli gideaba muuwwunoadaannyi huumwa gil.

Yohaana 6:67

Gwayeeshsha Yeesu fukka attamaniyyeenyean, “Eara agooga googasayi aweayeena?”

Yohaana 6:70

Ghwasha Yeesu nea gwayeeshsha, “Aniini miidagwalneegwa nea gowoschi damaniyyeenya, nea siyagi aba jeedeang'wa ea mii meang'nyeandeendea?”

Yohaana 6:71

Nea abeeda gabaloola badayda Yuuda, balleanda Simon Iskariyotte, aba gideaba niny gaba jeedeaba ginealangiga attamaniyyeenyean, ak ea dea jea ghwala bwadawi.

Yohaana 6:8

Gwayeeshsha oorjeanagi was ginealaneedaannyi suguuura Andereya bea gennyea Simon Betro,

Gadiyeeda Giijasoodiga 1:13

iiduw nea gehitta, gaweay jeemba ghooriini sideeksa uhuumba nuut, ak goobiitpiit geaba Betro, Yohaana, Yakkobo, Andereya, Filippo, ea Domaso, Batlomayo, ea Mattayo, Yakkobo balleanda Alfayo, Simoneeda Selotte, ea Yuuda balleanda Yakkobo.

Gadiyeeda Giijasoodiga 1:26

Ng'atta geeng'alealleesa saawa, ak iiduw gealoat Mattiya; ak gheawungaaschi geeng'oorsiinnyi sea gea giijasoodikka attamwanagiin.

Gadiyeeda Giijasoodiga 12:2

Ghwang'waay Yakkobo oorjeeda geennyaawa Yohaana, ak gwanuus aba bwaanga;

Gadiyeeda Giijasoodiga 3:1

Ng'atta gaweay Betro ea Yohaana gheeda sibatta Aseetta damanda simwaasha Aseetta nea gaba Aseetta shageash.

1 Goriinto 15:7

Iimuchchu gabussiinnyi sea Yakkobo, ea gichcha giijasoodiga sean.

Efeeso 4:11

Hean gageanu mwaatkwa ghoaw giijasoodiga, nea mwaatkwa ghoaw sibanga, nea mwaatkwa ghoaw fuga jea gwarukkwiida giijaasta miy, mwaatkwa ghoaw haghweadoodiga ea ginealshoodiga,

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

1 Betro 1:1

Betro, giijasoochcheanda Yeesu Gristo, fuga was mang'aweannyeekka ak ea Dardawaat aba ng'eanyiida Bonto, ea Galattiya, ea Gabadokiya, ea Asiya, ea Bittiniya,

2 Betro 1:1

Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.

2 Yohaana 1:1

Gweargweeda, ea gheamatta siloat sea diibigaaschi, abwariinyi aba huumwa, ea meaghusaan aniini eara fuga sean nal huumeanda,

3 Yohaana 1:1

Gweargweeda, heeda Gaayooyda abwariinyi, eabiissi dabwariiy aba huumwa.

Giidaheechta 1:1

Nii giidaheachta Yeesu Gristo gil, ghayi adaw Aseetta niny gohiimsa soomjoagaaschi ng'asheega jea gabay ghwahidu; ak ghwanung' eanal aba gijeakteayda malaykajeandaannyi gaweesa soomjeandaannyi was Yohaana,

Giidaheechta 1:9

Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 18:20

Ahoosana appadaydaannyi, Ea humng'eeda, Ea fuga ghaydidi ea giijasoodiga ea sibanga, aba gideaba Aseetta nugoneegwa girgweaksiinda appadaydaannyi!”

Giidaheechta 22:8

Aniini Yohaana ghaayiinyi nea ghaadaayi ng'asheesu. Damandida ayiinyi nea ghaadaayiin, hean geabeedeaysi ng'eanyi ak ghaghadoawannyi aba madeeda malaykajeanda ahiimnaan ng'asheesuun;