Marko 4:8 - NEAJEEDA EESH BEA BUUNEESSEAN

⁸ Gwanda eara booga abitpissa jeeda sigeeda miyaas, iiduw nea gwardu gwaji muuchchi. Ghealooniga meatteena booga diktam ea damanamughuush, suurja gweatta laadam nea suurja gweatta bughala.”

Bibliyeeda Ghaydit

⁸ Gwanda eara booga abitpisa jeeda sigeeda miyaas, iidu nea gwardu gwaji muuchi. Ghealooniga meateena booga diktam ea damanamughuush, suurja gweata laadam nea suurja gweata bughala.”

Marko 4:8 Iomraidhean Croise

Yohaana 15:5

Aniini geawoschi sabiibu, gowoschi agooga damealga. Siida abiida jeedeanyu, nea geabiidi aniini jeadaannyi, siisi gaygwaji haghweega saang'a, aba gideaba imeandani aniini ea moammuusi asna eara gil.

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

Marko 4:20

Boogiga sihisa jeeda sigeeda miyaasiin, Fugiga iiy ng'asheanda ak ghoang'ng'waay ak gwaji haghweegeani. Ghealooniga meatteena booga diktam ea damanamughuush, suurja gweatta laadam nea suurja gweatta bughala.”

Gadiyeeda Giijasoodiga 17:11

Fugeaba ng'eanyiitta gooleehiidiit muuchchi mawuurji fuga ng'eanyiida Desalonikke, aba gideaba ghwadeapta ng'asheanda aba hooseaneega, ak ghwasikkiideawa ng'ooruutka ghaydidi galagasean ghwadaa gideaba ng'asheega huumwa gil.

Mattayo 13:8

Suuk goobitpissa heeda mida sigeeda miyaas, gwardu ak gwaji akkalealla bughala, gwaji niirja laadam, gwaji niirja diktam ea damanamughuush.

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Yohaana 7:17

siida bwariiy gwasin gida bwariiy niny, gayghwanal ginealshooni ea gwaleabu heeda Aseetta ghana gideaba gearukku aba gheambalmeedeanyu.

Lukka 8:15

Nea giikka abitpissa jeeda sigeeda miyaasiin, giikka ama iiy ng'asheanda, gabay ghoang'ng'waay muuchchi aba gurorooda miyiini, ak gwaji haghweega aba milikghteayda.

Lukka 8:8

Gwanda eara giikka abitpissa jeeda sigeeda miyaasiin ak gwardu, gaba ghealooni jih bughala.” Iing'atta rukunoodeaba ng'asheesu, gojuur nea gwayeeshsha, “Siida mideawa iidiga jea ghwayiinya, ea dayiing'shi.”

Mattayo 13:23

Nea dea sihisa heeda sigeeda miyasiin ea siitta iiy ng'asheandideaniin ak gwajeeng'uuni; nii dea jih haghweega, gwaji akkalealla bughala, akwaji nii laadam, akwaji nii diktam ea damanamughuush.”

Marko 4:7

Gwanda eara booga abitpissa jeeda geediga halaghweanga, iiduw nea gwardu boogiga ea maji gil aba gideaba ghwariis geediga halaghweenga.

Marko 4:9

Iiduw nea gayghoabuut Yeesu ghuutta baloaldaannyi gwayeeshsha buuneeda, “Siida agar iitta adayiinya ng'asheesu ikkeasuun.”

Efeeso 2:21

niny ghwasar gheassean, ak googuuyi ak ghoaw gheessibatta Aseetta ghaydit bea Ng'uttamiida;