Giidaheechta 8:5 - NEAJEEDA EESH BEA BUUNEESSEAN

⁵ Iiduw gageanu malaykajeanda dabichcheandida ak ghoannyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea gighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.

Bibliyeeda Ghaydit

⁵ Iidu gageanu malaykajeanda dabicheandida ak ghoanyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea giighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.

Giidaheechta 8:5 Iomraidhean Croise

Mattayo 24:7

Aba gideaba gaygang'uchchi daroar ea daroar nuut, ak gang'uchchi sugoochcheandumeeda ea sugoocheendumeeda nuut, ak gaygwanda geejeeda ea sawooda ng'eanyiida aba hiji ea hiji:

Lukka 12:49

“Aniini ghaawunnyi dajaksa beasta jeeda ng'eanyiida; ak gidabal ea ning'atta giiyeetta!

Gadiyeeda Giijasoodiga 16:26

deagheatta gwasimgeaw ng'eanyiida, ak ghwanung' gwadumdum sindeetta gheeda sirattiisa buuneeda; miighoaw gil goottina gidaghuudajeega ak goottineada eara munyalaalajeega siratta fukka bea ghealoonigean.

Gadiyeeda Giijasoodiga 4:31

Iiduw nea sihhit mooshta Aseetta, gwadumdum heeda gwachcha bassa geat; ak gaba nii sinnyiit Gurorooda Ghaydit ak gwarukwiida giijasta miy bea Aseetta aba meaynatta.

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada mwaatkweanagi mwanang' bea mujiin; ak gameewa fii sagalamnyooji ispwa aba sawoodida bea ng'eanyiidean, ak ghang'ut muuwda geesippuut, ak ghoaghaambiit Aseetta humng'eeda.

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Giidaheechta 4:5

Nea heeda hoorgeeda gheambalmeeda iissa gwarinna dadamandeeda, nea ghuusiga ea nyeashta gighweeendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea guroruunat ispwa bea Aseetta;

Giidaheechta 6:12

Iiduw nea ghwajaat giirooraneedeaba lah, ghaadaayi, ak geang'ulayi sawooda haw bea ng'eanyiida; ak gwattuudu gheang'da Aseetta ea gawuurji hang'weakka sisna guniya, nea eara sheeda ghawaar foojeanda,

Giidaheechta 8:3

Hean ghwahidu malaykajeanda nuut ak ghamiinaada heeda wagiida, nea gwandeawa dabichcheanda sisna lagheanga meeng'meeng'i simmikkisiinda, ak geattaw hideeda ng'andit saang'a ak googuuyi sea mwoshta Aseetta bea fuga sean ghaydidi appadayda heeda wagiida eyda sisna lagheanga meeng'meeng'i mida madeeda hoorgeeda gheambalmeeda;