Giidaheechta 22:12 - NEAJEEDA EESH BEA BUUNEESSEAN

¹² Ng'ulla, ghaawunnyi nea ghaalamwajaanyi, nea geayeadu gichchea daadaw siida, ak ghaadawji giliwas sii giduurji gidaghayi sin.

Bibliyeeda Ghaydit

¹² “Ng'ula, ghaawunyi nea ghaalamwajaanyi, nea geayeadu gichea daadaw siida, ak ghaadawji giliwas sih giduurji gidaghayi sin.

Giidaheechta 22:12 Iomraidhean Croise

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Ruumi 14:12

Asi gwasnu giliwassih aba jeedeanya gaygagu iittaannyi aba madeeda Aseetta.”

1 Goriinto 3:14

Nea gadiyeeda sin siida wassean nea gwadeeksa uhuudeaba sindeettida gayghaghu abeeda gayghwanyas gimearda.

1 Goriinto 3:8

Siida hista ea dea iin beega gooyang'deayyi, amaduu gay gaba siisi nyas gimeardaannyi gawuurji gidaghayi sinda gadiyeeda.

Giidaheechta 11:18

Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Giidaheechta 22:20

Nea siida muuwwu ng'asheesu gwayi, “Asi aba huumwa ghaawunnyi nea ghaalamwajaanyi.” Amin. Beenni, Ng'uttamiida was Yeesu!

Giidaheechta 22:7

Ak ging'ulayi, gaydahidu nea ghaalamwajaannyi.” Ghang'wana siida ang'ng'waay ng'asheega siramoaran aba jeedeaba gittaaboani.

Giidaheechta 3:11

Gaydahidu nea ghaalamwajaannyi; ang'ng'waanya muuchchi gidindeawi, ak ea mooreannyi sih shiipkaagu.