Giidaheechta 2:16 - NEAJEEDA EESH BEA BUUNEESSEAN

¹⁶ Asi duukkuunana. Nea iimiduukkuunani, gaydahidu headaang'u nea ghalamwajaannyi ak gaydang'uchchi saawa aba bwaangeeda leabu ghuutteanyu.

Bibliyeeda Ghaydit

¹⁶ Asi duukuunana. Nea iimiduukuunani, gaydahidu headaang'u nea ghaalamwajaanyi ak gaydang'uchi saawa aba ng'uta leabu ghuuteanyu.

Giidaheechta 2:16 Iomraidhean Croise

Efeeso 6:17

Ak ghoang'ng'waanyi nngoofajeanda hang'way bea lealeenooda, ea bwangeeda Guroorooda was ng'asheega Aseetta.

2 Desaloniikke 2:8

Abeeda diitta mandeawana deaweedean gajeattahaach, ak abeeda gaygwanuus Ng'uttamiida was Yeesu aba aroosta ghuuttaannyi ak gwanyarja niny aba deaktaannyi ea hinnoadaannyi.

Giidaheechta 1:16

ak ghoang'ng'waanya miin ispwa aba geattindaannyi bea dugwa, ak gwarinna ghuuttaannyi bwangeeda shidaat meadajeega sean, ak gheamamdaannyi gawuurji aseetta dagu muuchchi.

Giidaheechta 16:9

ak geaghwarda buuneeda aba beasta ng'waan, ak ghamwaashta saawa gheawunga Aseetta mideawa uurda appadaydeaba sawanaduussu, ak ea madauukkuunana ak ghoadaw niny gigheambiitta.

Giidaheechta 19:15

Ak gwarinna bwaangeeda ng'aniip ghuuttaannyi jea ghabwara emoojiga, ak gayghoahaaghwiida saawa bileangida gharinyeanda; nea niny ghoallapta ng'eanyi shoomanda difaayeeda bea nyarasta haw bea Aseetta Hoauur.

Giidaheechta 19:21

Ak giikka sippuudiin geenuseadawa bwaangeedeaba siitta apteada aba badayda faraasiin, aba bwaangeeda rinna ghuuttaannyi; hean gwalang'u dariidakka sean aba banyeega nyaawa.

Giidaheechta 2:12

“Heeda malaykajeanda ganiiseeda Bergamo ng'waara: ‘Suu ng'asheega dea mideawa bwaangeeda ng'aniip meadajeega duwaawi.’

Giidaheechta 2:5

Asi apkaada gidabwaanyi, ak giduukkuuni ak gibiiksi gadiyoojiga ghayi isni bea madeeda. Ak imisni, gaydahidu headaang'u, ak gaydageanda hoorgeeda gheaboonyaneedaang'u aba heeda mida, ea eaghus duukkuunana.

Giidaheechta 22:20

Nea siida muuwwu ng'asheesu gwayi, “Asi aba huumwa ghaawunnyi nea ghaalamwajaanyi.” Amin. Beenni, Ng'uttamiida was Yeesu!

Giidaheechta 22:7

Ak ging'ulayi, gaydahidu nea ghaalamwajaannyi.” Ghang'wana siida ang'ng'waay ng'asheega siramoaran aba jeedeaba gittaaboani.

Giidaheechta 3:19

Fukkeanji abwariinyiin, inyeessa geawoowsi nea ghabwarji; asi milmiliida ak giduukkuuni.