Giidaheechta 12:1 - NEAJEEDA EESH BEA BUUNEESSEAN

¹ Ng'atta geadaa gwadeagooda haw aba humng'eeda was gatmooda siikwealsa aseetta, nea gwanda jeeda baneaguukka geeshangaaschi sheeda, nea uhuudaannyi gwanda shiipka miinga attamaniyyeenya;

Bibliyeeda Ghaydit

¹ Ng'ata geadaah gwadeagooda haw aba humng'eeda was gatmooda siikwealsa aseeta, nea gwanda jeeda baneaguuka geeshangaaschi sheeda, nea uhuudaanyi gwanda shiipka miinga atamaniyeenya;

Giidaheechta 12:1 Iomraidhean Croise

Mattayo 12:38

Ak gwayeeshsha Ng'oorshoodiga ea Farisayajeega, “Giinealshoochcheanda geegasayi eadaaha gwadeagooda aba headaang'u.”

Mattayo 24:30

ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Marko 13:25

Nea miinga humng'eeda gaygoobittu nea gaygwaduumduum uurda humng'eeda.

Lukka 21:11

gaygwanda sawooda haw bea ng'eanyiida, ak gaygang'eeda gejeadinga aba daroorakka sean ea geyoonung'wea kka; ng'asheega jea ghwanung' eahamng'eanyi, ea gwadeagwajeega hees leabu humng'eeda.

Lukka 21:25

“Gajadaaha gwadeagwajeega aba gheang'da aseetta ea sheeda ea miinga, gayghwanyas emoojiga jeeda ng'eanyiida sawanadeeda nea ghahamng'eanyi aba nyeashta laweajajeega basooda,

Yohaana 3:29

Siida mideawa gatmooda bea nyeangiida niny siida geeshshi, amadukku sittuupchi siida geeshshi, iissa ghaminaada nea goleeysiit nea gahoosan muuchchi iyiiy ghutteaba siitta geeshshiin; asi aba sareani hooseanegeasu niheedu.

Gadiyeeda Giijasoodiga 2:19

Ak gaydahiimu deamdeamanga, aba humng'eeda, ea gwadeagooda aba hiji bea ng'eanyiidean, foojeanda, ea beasta, ea aroosta haw;

Ruumi 13:14

Ookweala Ng'uttamiida was Yeesu Gristo, nea adoong'ulayi ng'asheega saseeda ghana asna gidagasa.

Ruumi 3:22

ak ea doobiiwnatta Aseetta gil, aba naweeda masaweega mida jeeda Yeesu Gristo aba heeda buuneessean mideawa masaweega. Aba gideaba maheelli;

2 Goriinto 11:2

Aba gideaba aniini geashisseegwa ghaang' aba shidoodeaba ghaang' bea Aseetta, aba gideaba neanyearriiseegwa Gristo ak ghaadaydaneegwa awuurjeewana sibeeda miy weesa ng'eedeanagi.

Galattiya 3:27

Aba gideaba agoogeeda ghayi sippatttisaneegwa aba naweeda Gristo, aba sareani ea nookwealli Gristo.

Galattiya 4:26

Ak mujineeda Yerusaleemeeda mida humng'eeda goobal geaw, ak niny ea iyya gil.

Galattiya 6:14

Ak aniini ea adaghwarji geaw aba gidawassean geaghus gigheambiitta beehiida Ng'uttamiideanya was Yeesu Gristo, aba gideaba aba naweani bea beehiidean singoorsa ng'eanyiida heedeanyu, ak aniini singoorsean heeda ng'eanyiida.

Efeeso 5:32

Makcheameeni funyaadiin ahaw ak aniini geabalooli badayda Gristo ea ganiisa;

Giidaheechta 1:20

Makcheameedeaba miingiga as ispwa ideaksi geattindeanyu bea dugean, ea hoorgajeekka as ispwa meang'meang'iin, miingiga as ispwaan, malaykajeega ganisajeekka as ispwaani ak eara hoorgajeekka as ispwa meang'meang'iin ea ganiisajeekka assispwaan gil.

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Giidaheechta 12:3

Ng'atta geadaah gwadeagooda nuut aba humng'eeda, ng'ulla, hararjooda haw areara, mideawa iheen ispwa ea gujaw damwanamughuush, nea iheenga nyaawa gaba nii mideawa shiip ispwa.

Giidaheechta 15:1

Hean ghaadaayi gwadeagooda nuut aba humng'eeda, nea ahaw ak daamdaamwaat, malaykaji ispwa mideawa sawanaduut ispwa was gea huydean, aba gideaba appadaydeaba suuh niduulean nyarasta Aseetta.

Giidaheechta 21:14

Ak ghamarda mujiini abeeda gwandeawa sindeechcheewi damaniyyeenya, ak badaydeaba sindeechcheekkiga gwanda gheawun damaniyyeenya bea giijasoodikka attamaniyyeeenya bea Dayeenda Gisilleandean.

Giidaheechta 21:23

Ak mujiineedida ea magassa gideaba gayghoobwaay aseetta ghana sheeda, aba gideaba giigheambiitta Aseetta weeshindaannyi, ak gheaboong'nyeandaannyi ea Dayeenda Gisilleanda gil.