Giidaheechta 1:11 - NEAJEEDA EESH BEA BUUNEESSEAN

¹¹ “Ngoorsiina haleanjeeda idaahi jeeda gittaabu ak giyeassi ganiisajeega assispwa, dea Efeeso ea Smirna ea Bergamo ea Diyattira, ea Sardi ea Filadelfiya ea Laodekkiya.”

Bibliyeeda Ghaydit

¹¹ “Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:11 Iomraidhean Croise

Gadiyeeda Giijasoodiga 16:14

Abeeda gwanda gatmoanagi aleeyseasa iit suguura Lidiya, leabu mujiineeda Diyattira, nea gwasheahhiida hang'weakka oomng'i, haw sheayeat ak gabada Aseetta. Hean ghwajaat Ng'uttamiida guroroadaannyi goleeysiit muuchchi ng'asheega rugu Baulo.

Gadiyeeda Giijasoodiga 18:24

Ghayi gwanda siispa Yahuudi suguura Appolo sijiilsa ng'eanyiida Aleksandariya, ghwahidu ng'eanyiida Efeeso. Siisi abeeda baloolaneeda gil, ak gabiissa ghwanal muuchchi ng'ooruutka ghaydidi.

Gadiyeeda Giijasoodiga 20:17

Damanda mideewa Miletto goojeaksa eeguursa gwearugwa ganiisa mida Efeeso.

1 Goriinto 15:32

Gaydanya naaha abeeda iyeabalooldi siida, aniini geang'uchcheewi diyeanga aba Efeesohiin? Aba imaduuttuuna fuga nimeewa, “Asi eyeagiischeena nea geeleeshi, aba gideaba numuji gajeemeewwa.”

1 Goriinto 16:8

Ak gayghanyi deabiida ng'eanyiida Efeeso ea ghwahitta damanda ghweelmeeda Bendegoosti,

Efeeso 1:1

Baulo, Giijasoochcheanda Gristo Yeesu, aba gidagasiida Aseetta, Heeda Fukghaydidi biissa ea doobiiweadi aba jeeda Gristo Yeesu.

Golosaayi 2:1

Geagasayi anala gideadeawiitti appadahuukkeagwa, ea badahuukka fuga mida ng'eanyiida Laodokiya, ea gikka miighwadahaniin,

1 Dimotteo 1:3

Damanda ghayi eaweewi Makkedoniya geamuscheeyi gideaba abiidana Efeso. Ak eara ghamneawa geamuscheey aba gideaba gwanda fiisu anaal ginealshooda ng'uyyeega aghuuma fiisu.

Giidaheechta 1:17

Iiduw nea ghaadaayi niny, geabeedeasi geshangaaschi ea dawuurji siida nimi. Hean ghwayiin geattidaannyi bea dugwa uhuudeanyu nea gwayi, “Adibeali, Aniini geawoschi dea madeeda ea dea huydean ea dea majeek;

Giidaheechta 1:19

Asi ng'waara haleanjeeni idaahiin, ea gea ghamneawa mida, ea gea iiduw jea gabassa iing'atta suh.

Giidaheechta 1:2

amaduw gamuuwwu Yohaana iitta ng'asheanda Aseetta ea muwwunooda iitta Yeesu Gristo, ea iitta haleanjeessean ghayi daa.

Giidaheechta 1:20

Makcheameedeaba miingiga as ispwa ideaksi geattindeanyu bea dugean, ea hoorgajeekka as ispwa meang'meang'iin, miingiga as ispwaan, malaykajeega ganisajeekka as ispwaani ak eara hoorgajeekka as ispwa meang'meang'iin ea ganiisajeekka assispwaan gil.

Giidaheechta 1:4

Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 10:4

Ng'atta nyeashteaba gighweendannyeekiga assispwaan, abeeda ea neagasayi dang'waar, hean ghaayiinyi ghuutta leabu humng'eeda nea gwayi, “Aroora ng'asheesu rugu gighweendannyeekiga assispwaan, ak ea ading'waari.”

Giidaheechta 14:13

Hean ghaayiinyi ghuutta nyaasha humng'eeda nea gwayi, “Ng'waara ng'asheesu: Ghang'wana siida meah ghamneawa meewsa heeda Ng'uttamiida. Ghang'wana huumwa, gwayi Gurorooda, ak gafuuf iing'atta gadiyeeda nyaawa, aba gideaba sinaweega nyaawa ghwaat geeshta!”

Giidaheechta 19:9

Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 2:1

“Heeda malaykajeanda ganiiseeda Efeeso ng'waara, ‘Ng'asheega ninyeeda mideawa miinga assispwa aba geattindaannyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 2:12

“Heeda malaykajeanda ganiiseeda Bergamo ng'waara: ‘Suu ng'asheega dea mideawa bwaangeeda ng'aniip meadajeega duwaawi.’

Giidaheechta 2:18

“Heeda malaykajeanda ganiiseeda Diyattira ng'waara: ‘Ng'asheega Balleanda Aseetta, bea gheanyanga oar ng'ushapta beasta, ak geeshangaaschi gawuurji lagheaneeda mur sisiy muuchchi.’

Giidaheechta 2:24

“Nea fuga mida jeedeang'wa aba ng'eanyiida Diyattira, was fuga moang'ng'waanya ginealshooniin, fuga mwanala gidaguura buuneeda mwaatkwa haleanjeeda sheagi jih bea Shattaani, aba heedeang'wa gaydayi, mwaydayiin badahuukkeagwa sareenda nuut;

Giidaheechta 2:8

“Heeda malaykajeanda ganiiseeda Smirna ng'waara, ‘Ng'asheega madeeda ea dea huydean, was dea ghayi meah ak gabiikta gamajeegiit.

Giidaheechta 21:5

Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 22:10

Ak gwayeeshshean, “Adiiroori ng'asheega siramoaran bea gittaaboaniin, aba gideaba damanda nineekkiit.

Giidaheechta 22:16

“Aniini Yeesu, neajeagu malaykajeandeanyu headaang'u nea gweadu muwwunooni heeda ganisajeega. Aniini geawaschi hawunnyeanda ea jeatta Dawdi, was ming'weandida aboong'u bea muchchuunoodean.”

Giidaheechta 3:1

“Heeda malaykajeanda ganiiseeda Sardi ng'waara: ‘Suh ng'asheega ninyeeda mideawa guroruunat ispwa bea Aseetta ea miinga assispwaan gil.’ ‘Ghaanalli gadiyoojigaagu; gideaba gindeawi gheawunga majeeknatta, nea nimeawi.

Giidaheechta 3:14

“Heeda malaykajeanda ganiseeda Laodekkiya ng'waara: ‘Ng'asheega siida was Amin, was siida doabiiwaat was mushoochcheanda huumwa, was ging'eetta haleanjeessean sin Aseetta.’

Giidaheechta 3:4

Ak gindeawi gheawung'su ng'ay aba ng'eanyiida Sardi, fuga miighang'uda hang'weakka nyaawa ririnyeanda; ak gaydeadeayddooschi saawa nea sishshuubeasa hang'weakka eeshish, aba gideaba gammiisa.’

Giidaheechta 3:7

“Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’