Yúúa 1:3 - Fayam Midhab Yiesu Kiristoká He Hol Af Iđiny Kaanaká

³ Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.

Yúúa 1:3 Iomraidhean Croise

He Ekeny Gál Alb Fimiká 17:3

Aalé mu Warˈgat Waaˈgiet kinaal he veerit gaalí gaa veere-, giri Messíyalle maanyjaw-, tá he uushich yé gáá ˈdeˈdeenká gáál gaa argisie. Kor gáál geey, kieye, Yíésu yú hí ki ˈdiyeenallá he Messíya ííni, muí gáál yie.

He Ekeny Gál Alb Fimiká 18:28

Aalé Abóllos gálaat metle gál Yuuˈdi hát ˈdabaanká hol ki ˈdiiyimeká, gáál a mé kí ˈjie. Mu Yíésu hát Messíyaká gáál Warˈgat Waaˈgiet gaa argisie.

He Ekeny Gál Alb Fimiká 20:27

He fedit Waaˈgiet hé níínní yú hí in ka kaayká mán, lulle yáá hí ki ˈdiiyime, muí gáál yie.

He Ekeny Gál Alb Fimiká 28:28

Báulo geđi gáál geey, kieye, Aaléka, onnóo! Waag hé fayam rubachietallá kidh ali ˈdú kaayye. Kidh kinaallá fayám nee hai kokoo, muí gáál yie.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

He Ekeny Gál Alb Fimiká 6:7

Aalé ˈdeeny Waaˈgiet ˈjien Yerusalem bash ki yie, gál burnayká ˈdéé iiy yie, gaal lali Yiesu yie. Gál burnay-, suoryoká úba fayam Yiesúúl iiy yie, fayám el gaa veere.

He Ekeny Gál Alb Fimiká 9:13

Aalé Ananías mú ˈdéé hol ˈdú nie, kieye, Máá Guđo, gál burnayká máá kinaallá hé ˈdeđew-, muí gál kua Yerúsalem gaa ijoká ki eekemeyká he ye fayamle shie.

He Ekeny Gál Alb Fimiká 9:22

Aalé Sáwul he onisinyle súm fargogoyye, mu Yíésu hát he Messíyaká gáál Warˈgat Waaˈgiet gaa argisie, gáál eiy ki nie. Gál Yuuˈdi ˈDamáskas gaa ijeká ˈdeeny mú hol ˈdú nannieká ˈdabe.

Korínto Erká 15:3

Yáá Fayam súm ˈdúwa-, Waag hí ye ká hilsicheká hí ká hilsie, giri Kirístolle ađaabanokúnno ˈdú kufeká. Hééllá hé Warˈgat Waaˈgiet kis hí hote.

Galátia 2:5

Tá gáál kár níínní nyí shiicheká mán, giri Fayam Midhab Kiristóóllá ˈduuwle taalle bííyyo itle hí ki iđaká.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Galátia 6:11

Ebá, he veerit guguđo-, yú gílchú kí vereno-, yú hí ˈdu gáá verenóóllá dhaayyíe.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Filíbi 1:1

Yáá Báulo lééllá ubaa Tímote giri nyí gede Yiesu Kiristoká warˈgatééllá it Waaˈgiet-, hí Yiesu Kirísto hol ˈdú faanne-, ubaa it gál Kiristo ˈdeˈdeen-, tá it gál Kiristo hujich ki nanniyya-, hí Filíbi gaa iđaká, ki hí ˈdú gáá lalama.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Kolosááya 1:2

Warˈgatééllá it Waaˈgiet, hí nyaaram kínyaa Kolosááya gaa iđa-, hí Kirísto hát ˈdabaanká el gaa igiˈdaká ke hí ˈdu gáá verene. ˈJaa kúnnaa Waag hí ˈdú ˈjeeˈjeen, hí naanná shiiguo.

Dhesaloníke Erká 2:2

Af giri hátle ke hí ma ˈdú gáá yímen-, nyí Filíbi gaa iđe-, gaal nyí hát ˈdeđewká ki sedhe-, nyí manyjayyeká it óg. Har káána úba he il hí nyí argiyyeka, Waag nyí nyaalím shiiche, Fayam Midhab Waaˈgietallá ke hí ki ˈdiiyime.

Tímote Erká 1:18

Kó iny chia Tímote lééllo, atim yú ko af kí haađúóllá, he atim ˈdaa gál Waag hí ˈdeem ká shigicheká ˈdeenylé kis ˈdaakúka hodheká ki taalká, giri ˈdeenylé kinaal ko yiir gaa chiirat-, oos ke hol yegesallá kuun hí hát ˈdabaanká hol cheeseká.

Tímote Erká 6:12

Iiy yeen Kirísto ka ˈgayyóóllá laatlé ˈdúwáállá laađámo. Luolmit biiyo-, Waag hí ko kí viiyye-, kuuní iiy chie-, kuuní gál burnayká hát ˈdabaanká met gaa huogoteká tág chíro.

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Títo 1:4

Títo, warˈgatééllá kúúni yú ko ˈdu gáá verene. Kuun veel chia yú ko ká dhaˈgama, ˈdaa giri yú ubaa kúún ke Yiesu Kirísto iiy yieká. ˈJaa kúnnaa Waag ubaa Máá kúnnaa Rubachiet Yiesu Kirísto hí ko ˈdú ˈjeeˈjeen, hí ko naanná shiiguo.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Héberew 6:9

It sheel kínyia ke hí gielallo, hééllá har káána úba nyí hatal hogotoka, hát itín hí ma ki yaalinyká nyáá nyí óg. Nyiin hé ˈduuˈdúwa-, rubachietká hát ˈdaakícho ki yaalká nyáá nyí og.

Bétiro Erká 5:12

Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Bétiro ki Naamaká 2:21

Gálallá ˈgíérích ˈdúwa-, Waaˈgietallá meeny gíri moonnônyka kalat. Hát gaalí hemurit Waaˈgiet onisie-, ˈdee hí ger hile-, tá káána geđi ˈdéé el af gaa tammééllá ˈdeew.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Yúúa 1:17

Tá it sheel chia yú gielallo, Máá kúnnaa Guđo-, Yiesu Kirísto gállé alb fimiká ˈdeem Waag hí ká shigiche-, he ˈdiiyimeká táb ˈduoˈdodhdhíe.

Yúúa 1:20

Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.