Yákob 5:9 - Fayam Midhab Yiesu Kiristoká He Hol Af Iđiny Kaanaká

⁹ Nyaaramchú, horróo! Máá gálaat ˈdéé ki iđimuoká ˈbíl af yaal. Haí hol shalal fafîny, Waag hí ˈdéé ki iđîny.

Yákob 5:9 Iomraidhean Croise

Matááyo 24:33

Hát tikiˈdééllá hé hatallóóllá lulle hí argiyyeka, ˈjímchú hát ka ˈjobondhe-, yú karaf kí ˈdeenká it óg.

Márko 13:29

Hát tikiˈdééllá hé hatallóóllá yaalmitle hí argiyyeka, mú ˈjímle hát ka ˈjobondhe-, mu karaf kí ˈdeenká it óg.

Márko 6:19

Heróˈdias Yuána súm nebete, kerka mú chegeská he feˈde, hé kinaal hí ká adhdhe.

Korínto Erká 10:11

Yaalmisanóóllá lulle gáál il hí argiyyééllá, he il gíl gaa helitkúnno. Hééllá gaalí Warˈgat Waaˈgiet gaa veere, giri bár ki gaa ijóól-, les el mé ˈginlé muun gáál kí hillééllá gáál oonisichoká.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 9:7

Aaléka, hol ˈdéé mé gaa eedhdhíe, hé shiichóóllá shíícholle ˈdaˈdab mákárta-, hí gáá shigichoká. Haí he hát ger gaa ˈdeentiká ubaa mé ki timiká he ka shigîny. Waag máá he hát geer gaa midhantiká he ka shiguoká he giel.

Galátia 5:14

Hemuumurit Waaˈgiet lulle ke mé hol ˈdú eeyka, hé hogotoká tikiˈde, Máá olkú hát kúún hol gielallá úba géélnebo, he chie.

Galátia 5:26

Ha ke hol gál ˈdúwaká ka dhaˈgáminy, ke hol ídho yé gáá ˈdeđîny, ke gajált ˈgíiny.

Yákob 4:11

Nyaaramchú, haí hol meet ˈdeđenêny. Máá nyárle ˈdeđenset-, muuninyka, mú ˈdéé ki iđimuoká, af kinaalka ííni Waag hemuumuritle ˈdeente, ˈdéé ki iđie. Kúún har hemuumurít ˈdéé ki iđimichoka, af kinaalka kó máá hemuumurít el gaa igiroká muuniny. Kuun he máá hemuumurít ˈdéé ki iđimuoká chie.

Yákob 4:12

Máá gáál hemuumurít ká shie-, gáál ˈdéé ki iđimuoká tikiˈd tákáma. Máá kinaallá ííni fargogint gáál ki ririanká ubaa fargogint gáál ki beđisatká ˈgaa. Tá kúún mááya, máá olkú ˈdéé ki iđimichóol?

Yákob 5:10

Nyaaramchú, ebá gál Máá Guđo Waag hí ˈdeem ka shigie-, gálaat ki ˈdiiyimeká hát manyjasiny il hí aargiˈde-, tá hol gaa tatieká, táb ˈdodhdhíe.

Yákob 5:7

Aaléka, nyaaramchú, hol táa, ˈjíig Máá Guđoká hí ká ˈjie. Ebá máá les fafuoká hát ˈguomle met egeso-, tá hol tatuo-, ír mísáchle met egesoká dhaayyíe.

Bétiro Erká 4:5

Tá gaal Waag gál luogolká ubaa gál kufeká ˈdéé ki iđimichoká metle héllé eekemeyká hai gaa hogodho.

Bétiro Erká 4:9

Af giri hí hol dheegam ˈdú seseenneká, hol mé guđáan yiegedhíe, haí yiirsam fafáan.

Kí Edhesiny 3:20

Bá dhaayyíe, yáá ˈbíl af yaal, ˈbíl máálle veveen. Máá ye af maalo-, ye ˈbíl af kí eewká ˈbílle ha yú higila, ˈgarro nyí hol golmosoto.