Yákob 5:16 - Fayam Midhab Yiesu Kiristoká He Hol Af Iđiny Kaanaká

¹⁶ Aaléka, hé kíchia ˈdeđewká fayamle hol shía, tá hol Waag ki viivitíe, Waag hí bisicho. Máá Waag hát feˈdoká el gaa igiroká Waag visanle hé fargogínt ˈgayyo, hujich hai nanniyya.

Yákob 5:16 Iomraidhean Croise

Matááyo 21:22

He lullé hí Waag ki vivisata-, hí Waag rogononnoká hát hí aargiˈdoká hí iiy chieka, haí aargiˈda. Yíésu hí gáál yie.

Matááyo 3:6

Gaal héllé ˈdeđew-, eekemeyká huogodhe, Waag makan fame, Yuána đo gáál wár Yorˈdan bíélle gim nie.

Márko 1:5

Aalé gál lés Yuuˈdiaká ubaa gál ˈjien Yerusalemká lulle Yuána ˈdú sedhe, gaal héllé ˈdeđew eekemeyká ˈdeentle iiy yie, mu gáál wár Yorˈdan álle bie gim gaa nie.

Lúka 9:6

Aalé gaal sedhe, ˈjien gaa naanadhe, Fayam Midhab Waaˈgietká ˈdiiyime, ˈjien lulle gállé basham ˈgieká bisie.

Yuána 9:31

Waag hát gál ađaabano ˈguoká af nee ma kokonyká hé ki óg. Waag máá hí kikiat-, Waag hát feˈdoká el gaa igiroká he af nee kokoyyo.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 19:18

Aalé gál Yíésu iiy yie-, burnayká ká yimie, héllé ˈdeđew-, he eekemeyká gálaat met gaa huogodhe, ˈdeentle iiy yie.

He Ekeny Gál Alb Fimiká 8:24

Aalé Símon Bétiro ubaa Yuána geey, kieye, Ye Máá Guđoká makan ki ˈjée, hé hí hogotóóllá tikiˈd ha il hí ye árginy, muí gáál yie.

Róóma 3:10

Warˈgat Waaˈgiet kieye, Biiy hé máá níínní tikiˈde úba saas mánká mán.

Róóma 5:19

ˈDaa giri máá tikiˈde Áˈdamlééllá Waag af đuˈduseká in gálaat lulle ađaabano hile. Héétí, ˈdaa giri máá tikiˈde Kirísto lééllá Waag af ˈduuwayká in gál gúúđo Waag hí gál ˈdúwaká hođicha.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Dhesaloníke Erká 5:17

Waag viivitíe.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Dhesaloníke Erká 5:25

Nyaaramkínyo, nyí úba Waag kí viivitíe.

Héberew 11:4

Ábel iiy yeenle ˈdaalleka in héllé shiicho Waag shieká hé Káyin hí Waag shieká ˈdú ˈdúwa. Tá mú iiy yeenle ˈdaalle ˈdugaka in Waag mú máá ˈdúwaká chie, mú héllé shiicho kinaal iiy chie. Har Ábel úba kis mán yieka, mu hé iiy yeenlé kinaal hátle ˈdéé kí hogodho.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 12:13

ˈGierim hí gaa seseenneká hí ˈgierim lođuđaataká onnow, giri ˈgas kíchia hélchóóllá ma ˈdeđenen-, farguogowká.

Héberew 13:18

Nyí Waag kí viivitíe. Nyiin hát hé ˈdúwaká nyí ekemeychoká nyáá nyí óg. He lulle hát ˈduwantiká nyí gaa iđaká nyí feˈde.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Yuána Erká 3:22

Héétí, hé mákárta-, ki mú rogononká ha ke mú gaa aargira. Hé kinaallá he ˈdaa giri ke mú hemuumuritle ki met gaa kekeen-, ke hé mú geer gaa memeyoká ekemeyoká.