Yákob 5:13 - Fayam Midhab Yiesu Kiristoká He Hol Af Iđiny Kaanaká

¹³ Itín mááya hé ˈdeđewká il hí aargiˈde? Máá he il hí aargiˈdeká hí Waag viivisat. Itín mááya geer hí gaa meedhe? Máá geer hí gaa meedheká hí arram gaalí Waag ki memeyoká ˈdaaraan.

Yákob 5:13 Iomraidhean Croise

Matááyo 26:30

Aalé gaal áár ˈdoyká đo yíé ˈdie, Gúm Saano Salabká álle mé nie.

Lúka 22:44

Mú geer hí súm gaa ˈdeenedhe, mu geđi hát ˈdabaanká Waag vite. Mu simidhe, simis hát fáská mú gáá ˈjiibime, les ˈdane.

Lúka 23:42

Aalé mu Yíésu geey, kieye, Yíésu, af giri guch kua kansimoká kí chiimetká ye mé ká ˈgab, yie.

Korínto Erká 14:15

Aaléka, háte yú ˈdeeme? Sídhchú hí Waag viivisat, tá kaschú úba hí Waag viivisat. Héétí sídhchú hí arram ˈdaaraan, tá yú arram kaschú hí eiy nannasatoká úba ha ˈdarama.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Eféso 5:19

Arram Warˈgat Waaˈgiet gaa ijoká ubaa arram káána hí Waag ki ˈdoyyeká hol ki guogofsía. Máá kúnnaa Guđoká arram hí ki memeychoká gerkícho ki ˈdaaramíe.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Yákob 5:10

Nyaaramchú, ebá gál Máá Guđo Waag hí ˈdeem ka shigie-, gálaat ki ˈdiiyimeká hát manyjasiny il hí aargiˈde-, tá hol gaa tatieká, táb ˈdodhdhíe.

Kí Edhesiny 14:3

Gál giri Élíny gúm álle hol af ˈgie kinaal ár kaanaká kara guchi Waaˈgietká ubaa hé giri luogol-, afurká, tá gál giri káruká metle gaa ˈdarama. Ár kinaallá hé máá níínní hí oonootká mán. Gál giri shíí kúˈd tikiˈde-, tómón eiy afur a afur-, Waag hí lésallá gáá yiateká tákáma hí og.

Kí Edhesiny 7:10

Gaal af ˈdérká ˈdéé ki hodhe, kieye, Rubach Waag kúnnaa kara guchiká ˈdú iđoká ubaa Élínyi he yé gáá ˈdeˈdeme, gaalí yie.