Yákob 4:9 - Fayam Midhab Yiesu Kiristoká He Hol Af Iđiny Kaanaká

⁹ Ger hí gaa ˈdeenet, shiilmitíe, buoyyíe. Kósólkícho hí shiilmisan ki yeet, ger gaa meenkícho hí innum ˈdéént ki cheet.

Yákob 4:9 Iomraidhean Croise

Matááyo 21:41

Gaal mú ˈdéé hol ˈdú nie, kieye, Mu gál nyuogim ˈguo kinaallá hai beđita, gál éíy taaka hí lésle ˈdeˈdeen-, saano hisseka mú saano lésle ˈdáá shiguoká les af hai iđimia, gaalí yie.

Matááyo 5:4

Gál buony gaa ijoká hé Waag hí ˈdú ˈjeˈjeenno, Waag hí imiro gaa shugudmicho.

Lúka 16:25

Aalé Abirááyam kieye, Ákutú, af héle kuun hé ˈdabaanká gaa iđe-, Lasááro íín hát ˈdeđewká ijeká táb ˈdúo. Mu íín káána balchá he gaa ija, kúún íín káána hí manyjany gaa iđa.

Lúka 6:21

It káána kuoˈd hí chiesallá it Waag hí ˈdú ˈjeˈjeenno, bár ˈdaatika haí heyeenne. It káána imiro ˈjiibichóóllá it Waag hí ˈdú ˈjeˈjeenno, bár ˈdaatika haí kosolonno.

Lúka 6:25

It heyiyyééllá onnóo! Itín gillé kuoˈd hí cheese. It káána kosolonnóóllá onnóo! Itín gil kíchia hí beenne, hí hol ger gaa tuunna.