Yákob 4:8 - Fayam Midhab Yiesu Kiristoká He Hol Af Iđiny Kaanaká

⁸ Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Yákob 4:8 Iomraidhean Croise

Matááyo 12:33

ˈGór yaalmít hí midhíntaka, saanolle úba hé midhab. ˈGór yaalmít hí éésh manítaka, saanolle hé úba éésh mán. ˈGór saanollé gaalí ki kiimita.

Matááyo 15:2

Háteka lalikú nyátál karukúnno hí gáál af kí hay-, hátlé ke ˈguom ma kônyká ke gil ˈjiˈjidheká haychéel? gaalí yie.

Matááyo 27:24

Aalé Bilááto ˈdee hí af kí ˈdabe-, nyesebich íín shalal ˈdisie-, argeká đo bie eedhdhe, nyesebich metle gil gaa ˈjidhdhe, kieye, Máállá ooslé hí chegeseká fásle yáá gil ka mán, itlé hí gil ká ˈgayya, muí gáál yie.

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Tímote Erká 2:8

Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Yákob 1:8

Máá kinaallá he máá geer hí naama-, he lullé ekemeyoká ger totom gaa ˈgiˈgisatká.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.