Yákob 4:4 - Fayam Midhab Yiesu Kiristoká He Hol Af Iđiny Kaanaká

⁴ It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Yákob 4:4 Iomraidhean Croise

Matááyo 12:39

Yíésu íín gáál ˈdéé hol ˈdú nie, kieye, Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká.

Matááyo 16:4

Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká. Yíésu hí gáál yie. Aalé Yíésu đo gáál in ká kie, ali gaa sedhe.

Matááyo 6:24

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen.

Lúka 19:27

Aaléka, gál halúgallo ye ka kídh-, yú kánsíchle yegetká ma fedinyallá ka shuunáa, met chiallá ka sidháa, yiesíe, muí yie, Yíésu hí gáál yie.

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 17:14

Yáá gáál fayamkú shie. Tá ˈdaa giri gaal íín hát yúka, gál lesallo-, muuninyká, gáál hé les gálle hí nebedhe.

Yuána 7:7

Lésallá gálle íín hé hát hí neebenetká mán, máá he nébká he yú, ˈdaa giri gaal héllé ekemeyoká hát he gaa nyakarichká ˈduuwle yú hogodhoká.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 8:7

Hééllá he ˈdaa giri kas balt gonniet hí he gaa mumuˈdoká Waag nébká. Kas hatallóóllá hé hemuumurit Waaˈgiet met ma gaa kekeminy, ˈdaa giri fargogint níínní ˈgayyo-, Waag af ki ˈduuwasichoká mánká.

Korínto Erká 1:20

Aaléka, gál ˈdaalleléká ubaa gál gálaat nyatalaam oonisuoká, tá gál lésalka ˈdéé huogon súm ógká kor meete gáál ká geđia? Waag hé ˈdaalim lesalloká hé đeeymo hoycheká muuniny?

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.