Yákob 4:11 - Fayam Midhab Yiesu Kiristoká He Hol Af Iđiny Kaanaká

¹¹ Nyaaramchú, haí hol meet ˈdeđenêny. Máá nyárle ˈdeđenset-, muuninyka, mú ˈdéé ki iđimuoká, af kinaalka ííni Waag hemuumuritle ˈdeente, ˈdéé ki iđie. Kúún har hemuumurít ˈdéé ki iđimichoka, af kinaalka kó máá hemuumurít el gaa igiroká muuniny. Kuun he máá hemuumurít ˈdéé ki iđimuoká chie.

Yákob 4:11 Iomraidhean Croise

Lúka 6:37

Aalé Yíésu geđi kieye, Haí gálaat ˈdeđénsen. Itín hí gálaat ma ˈdeđensenka, it úba Waag hí ma ˈdeđensen. Gál hé ˈdeđewká hí ki ekemeyoká idholle hayyíe, haí ger ka ˈgíiny. Hát kinaallá hí ˈdiiyyeka, Waag úba hé kíchia ˈdeđew-, hí eekemeycheká hai haađicha.

Róóma 2:1

It halúg gálaat ˈdeđensetéel, itín hát níínní hí hol ˈdéé ˈdú hogotoká mán, ˈdaa giri it tikiˈde hí gáál ˈdeđensetééllá hí hé tikiˈde gaal íín hí ekemeyóóllá úba hí ekemeychóóllá. Af giri hí gálaat hatal ˈdeđensetoká itín dhúr kíchia hí hol ˈdéé ki iđiny Waaˈgiet ˈdú gáá egeyye.

Róóma 2:13

Aaléka, gál hemuumurit kinaal mamalo-, kor hemuumurít el ma gaa igirinyká, innum Waaˈgietka hé gál ˈdúwaká muuniny. Tá gál hemuumurit kinaal el gaa igiro-, ekemeyoká in Waag innumleka, Waag hí gál ˈdúwaká chegedhe.

Róóma 7:7

Aalé háte ke yeedhe? Hemuumurít káána he ađáábo ke yeedhe? Híʼi, hemuumurít gon hé ađááb muuniny. Biiy héle hemuumurít mannânyka, yáá onnônyka hé Waag hí ma fedinyká ma kiimísan. Hát káána hemurit kieye, ha hé gálaat gajaltle ˈgíiny, chieká mannânyka, yáá onnônyka gajált hát Waag hí ma fedinyká eiy ma náásan.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Eféso 4:31

Aaléka, hol ˈjiirt, ídho, idho hol gáá ˈgiliˈgany mánká, hol oosó, méé ˈdeeneny, ubaa he lullé gaa nyakarichká hol ka ridhdhíe.

Tímote Erká 3:11

Hát tikiˈdééllá ˈdég íín hí ˈdeg siríg ˈgayyoká onnoyyo, hai ˈdeg gálaat heengʼeetoká onnôny, hí ˈdeg hol tatiyyo-, he lulle hát ˈduwantiká ekemeychoká onnoyyo.

Tímote ki Naamaká 3:3

hé gálaat ma geelneny, hé garano ma fediny, gálaato heengʼeedhe, hé hol tím mán, af ˈgérnti he ˈgaa, hé hé ˈdabaanká ma fediny,

Títo 2:3

Hát tikiˈdééllá karu ˈdietká úba af táátaʼ, giri gaal húgúmlé ki ijoká húgúm gál Waag kikiatká yeget-, gálaat ma heengʼeen-, hol bersham ma ˈdú haađiny-, ˈgíérích midhabká gállé ˈdietká oonisuoká.

Yákob 1:16

Nyaaram chia yú gielallo, haí hol nyimísan.

Yákob 1:19

Nyaaram chia yú gielallo, ˈdeenyééllá mé ka ˈgáa: Máádhat hí gálaat af nee kuokuo, hátlé ˈdéé ma húógonká hí erkob kasso, hí nog siet, hai ál ˈjob gáá iiđídhminy.

Yákob 1:25

Tá máá ˈdeeny Waaˈgiet-, ˈdúwa-, gáál mé fufuróóllá súm hát ˈdabaanká taalle eiy nannasat-, tá hé maaleká hí in ma ká baađany-, el gaa igiroká, héllé ekemeyoká Waag haí ˈdú ˈgunnuanna.

Yákob 2:8

Har hemurit súm guđo-, Warˈgat Waaˈgiet geer gaa iđo-, giri kieye, Máá olkú hát kúún hol gielallá úba géélneb, chieká, hí el gaa igiˈdaka, af kinaalka hé ˈdúwaká hí ekemeyche.

Yákob 5:10

Nyaaramchú, ebá gál Máá Guđo Waag hí ˈdeem ka shigie-, gálaat ki ˈdiiyimeká hát manyjasiny il hí aargiˈde-, tá hol gaa tatieká, táb ˈdodhdhíe.

Yákob 5:7

Aaléka, nyaaramchú, hol táa, ˈjíig Máá Guđoká hí ká ˈjie. Ebá máá les fafuoká hát ˈguomle met egeso-, tá hol tatuo-, ír mísáchle met egesoká dhaayyíe.

Yákob 5:9

Nyaaramchú, horróo! Máá gálaat ˈdéé ki iđimuoká ˈbíl af yaal. Haí hol shalal fafîny, Waag hí ˈdéé ki iđîny.

Bétiro Erká 2:1

Aaléka, he lullé ˈdeđew-, hát káána điđám, nyiimisan, hódho, ubaa hinááf, tá kolkól hí gaa iđoká lulle hol ka ridhdhíe.