Yákob 2:8 - Fayam Midhab Yiesu Kiristoká He Hol Af Iđiny Kaanaká

⁸ Har hemurit súm guđo-, Warˈgat Waaˈgiet geer gaa iđo-, giri kieye, Máá olkú hát kúún hol gielallá úba géélneb, chieká, hí el gaa igiˈdaka, af kinaalka hé ˈdúwaká hí ekemeyche.

Yákob 2:8 Iomraidhean Croise

Matááyo 22:39

Hemurit ki naamaká ubaa hemurit erkoballá he hol ˈgas ki see. Hemurit ki naamáállá kieye, Máá olkú hát kúún dhúrkú hol gielallá úba géélnebo, he chie.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 25:23

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 7:12

Hát lullé midhab-, gálaat hí ki ekemeyo-, hí feˈdoká, itín úba hát tikiˈde kinaallá gálaat ki eekemeyyíe. Hééllá he hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká héllé.

Róóma 13:10

Máá máá olle gielká hé mú ma gáá ˈdeđenen. Hát kinaallá in gielmít hemuumurit Waaˈgiet đuusicha.

Galátia 5:14

Hemuumurit Waaˈgiet lulle ke mé hol ˈdú eeyka, hé hogotoká tikiˈde, Máá olkú hát kúún hol gielallá úba géélnebo, he chie.

Galátia 6:2

Hol ílsh ˈdú chiichiˈdíe, hí hatallá ˈdiiyyeka, in hí hemurit Kiristo đuusicha.

Filíbi 4:14

Tá hé ye ki ˈgeeˈgerneyká hát hí ye yiir kí chirateká hé tág midhab.

Dhesaloníke Erká 4:9

Aaléka, gielmit gál Kiristo hí hol ká ˈguoká ˈdaalleka, hé níínní hí muog-, yú hí ˈdú gáá verenoká mán, ˈdaa giri itín dhúrkícho yaalmit hí hol ki gegelneteká Waag hí onisicheká.

Yákob 1:25

Tá máá ˈdeeny Waaˈgiet-, ˈdúwa-, gáál mé fufuróóllá súm hát ˈdabaanká taalle eiy nannasat-, tá hé maaleká hí in ma ká baađany-, el gaa igiroká, héllé ekemeyoká Waag haí ˈdú ˈgunnuanna.

Yákob 2:12

Hé hí hogotoká ubaa hé hí ekemeychoká ˈdeemle hát hemuumurit gáál mé fufuˈdoká hí ki iđimichoká onnóo.

Yákob 2:19

Kuun Waag hát tikiˈdeká kó iiy chie. Kúbu! Hé kinaallá úba hé aryáán hí óg, aryáán hí gaa faađanan.

Yákob 4:11

Nyaaramchú, haí hol meet ˈdeđenêny. Máá nyárle ˈdeđenset-, muuninyka, mú ˈdéé ki iđimuoká, af kinaalka ííni Waag hemuumuritle ˈdeente, ˈdéé ki iđie. Kúún har hemuumurít ˈdéé ki iđimichoka, af kinaalka kó máá hemuumurít el gaa igiroká muuniny. Kuun he máá hemuumurít ˈdéé ki iđimuoká chie.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.