Yákob 1:6 - Fayam Midhab Yiesu Kiristoká He Hol Af Iđiny Kaanaká

⁶ Máá Waag rogononká íín hai Waag ki nannáan, mu hí iiy yeen ˈguo. Máá Waag ki nannaatká hát bárán waanich hí hol gaa sisidho-, mé lođuđugul he ki ˈdaraanká mánká.

Yákob 1:6 Iomraidhean Croise

Matááyo 14:28

Bétiro mú ˈdéé hol ˈdú nie, kieye, Máá Guđo, he har kúún kátaka, ye géesh, yú bie ˈdug gaa sedhe, ko ˈdu gáá yimedhe, yie.

He Ekeny Gál Alb Fimiká 10:20

Le gaa keʼ, léet, ha ger totom gaa ˈgiˈgísan, giri gáál hí hol egeetoká. Gáál yaa hí ali ká fie, Hím Naasan Waaˈgiet hí mú chie.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Tímote Erká 2:8

Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yákob 1:7

Máá yaalmit kinaallá ˈguoká hát Máá Guđoká he ma gaa aargirinyká hí onnow.

Yákob 5:15

Gáál Waag visanlé iiy yeen ˈgayyoká máá kúllaká hai rianna. Máá Guđoká máá kúllaká les hai gaa egee, har mu he ađááb hileka, mú ađááb hai gaa egee.

Bétiro ki Naamaká 2:17

Gál hođomlééllá he hát haˈd bie mánká ubaa hát nyáˈdow guđo-, wááních fargogoká hí el mé gaa chichirat-, ír hí gáá tutuno mánká. Gálallá ál súm gaa ongʼoˈdeká hí met egete.