Yákob 1:21 - Fayam Midhab Yiesu Kiristoká He Hol Af Iđiny Kaanaká

²¹ Aaléka, yaalmisano gaa nyakaridheká ubaa ađaabano biiy lulle gaa iđóóllá hol ka ridhdhíe, ˈdeeny Waag hí ger fiiyyééllá hodhin midhabká ki eedhdhíe. ˈDeeny kinaallá in sidhamkícho riima.

Yákob 1:21 Iomraidhean Croise

Matááyo 5:5

Gál hol ma egenyká hé Waag hí ˈdú ˈjeˈjeenno, aadh ˈdaatika lésallá lulle hai liileedhe.

Yuána 6:63

Hím Naasan Waaˈgieto gálaat luolmít shigicha. Gon hé uˈdoká mán. ˈDeeny yú hí geeyallá he Hím Naasan Waaˈgiet sidhamkícho luolmít shigichoká.

Yuána 6:68

Aalé Símon Bétiro mú ˈdéé hol ˈdú nie, kieye, Máá Guđo, mááya nyí ˈdú seenne? Kúún in luolmit biiyoká ˈdeenyle ˈgayya háluke!

He Ekeny Gál Alb Fimiká 10:33

In đo yú ko ál ˈjob gáál ali ˈdu gáá fie. Hát ka chimíéllá hé tág midhab. Aalé nyíín lul kínyia nyí innum Waaˈgiet gaa iđáállá hé mákárta Máá Guđoká hí ko kí mure-, nyí ka geđichoká nyí nee kokoyyo, Kornélios hí mú yie.

He Ekeny Gál Alb Fimiká 13:26

It nyaaram chia hídh Abiraayamallo, ubaa it Waag kikiatáállo, fayam rubachietallá múúni Waag hí gáál ali ˈdu gáá kaayye.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 6:17

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Korínto Erká 15:2

Fayam Midhaballá in hí rubach gaa aargiˈda. Hé kinaal har Fayam yú hí ki ˈdiyimeká hí tág ki taalka. Tá har hí tág ma ki taalinyka, af kinaalka iiy yeenkícho taalle hállééllá.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Eféso 1:13

Itín úba af giri hí ˈdeeny ˈdúwa-, Fayamle Midhab-, hí rubach shíéllá hí maalleká, it Kirísto hol ˈdú faanne. Af giri hí mú iiy chieká Waag hé hí Hím Naasanlé gálle af iđicheká ki guyye. Itín aaléka hí mú gállé.

Eféso 4:22

Yaalmit kisso-, hí ki iđeká, hát gon hí hađichaká it gaalí onisie. Kíssóótí balt kíchia gaa nyakaridheká hé hí nyimisate, hí bađisiche.

Eféso 4:25

Aaléka, ˈdaa giri múún ki gon tikiˈdeká lulkícho ˈdeem hódhoká hayyíe, hol hé ˈdúwaká geeđía.

Eféso 5:4

Héétí haí ˈdeem đeemoká hógon, ádúm kern mantiká ubaa ˈdéé hót kern manti-, gálle af ka húrt mánká haí ˈgíiny. Yaalmitééllá hé tagle muuniny, Waag gielmít hol ˈdú niiny tákáma ˈdúwa.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Títo 2:11

Waag hé gálaat lulle ˈdú ˈjiiyye, hé kár gálaat hí rubach ki aargiroká yé ká ˈdeeyche.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 4:2

Hát káána gaal íín ál him ki nimiká fayamlé midhabká maalééllá, in muun úba ke Fayam Midhaballá maale. Tá ˈdaa giri gaal fayám maale-, kor fayám iiy ma yéenká in gaal ál him ki nimi kinaallá ma híliny.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Yákob 5:20

hééllá mé ki eedhdhíe: Máá mú ˈgíérích ˈdúwáállá hol ˈdu gáá nannúóllá, mú kúfacho ká riridhdha, tá mú héllé ˈdeđew-, met hí hol ká burnayká ˈdeensenle mú Waag haí gaa egeyye.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 1:9

Héétí iiy yeen kíchiallá hélle it aargiˈda. Iiy yeenkícho héllé kinaallá he rúbách sidhamkícho.

Bétiro Erká 2:1

Aaléka, he lullé ˈdeđew-, hát káána điđám, nyiimisan, hódho, ubaa hinááf, tá kolkól hí gaa iđoká lulle hol ka ridhdhíe.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.