Yákob 1:12 - Fayam Midhab Yiesu Kiristoká He Hol Af Iđiny Kaanaká

¹² Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Yákob 1:12 Iomraidhean Croise

Matááyo 10:22

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

Róóma 5:4

Héétí mé ki chirsan húgúm Waag hí feˈdoká he yé ˈdú ˈdeˈdeenne, tá húgúm Waag hí feˈdo kinaal íín hé yé ˈdú ˈdeˈdeenká he he ony giri hé Waag hí gáál af iđicheká hát he ˈduuwawká ke ógká.

Róóma 8:28

Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Korínto Erká 8:3

Tá máá Waag gielká, hé Waag hí óg.

Korínto Erká 9:25

Ameeny gál đúla kirmisatká, hát lullé he lađama, hol fargoogonoyo, giri hé shiicho aargiroká. Hé shiicho gaalí aargiróóllá el met haí ˈgiidha. Tá múún iđiny kúnnaallá hát lullé ke gaa lađama, giri hé shiicho biiyo-, el met hí ma ˈgiˈginallá ke aargiroká.

Tímote ki Naamaká 2:15

Hát ˈdabaanká laađámo, giri Waag innumle kí ˈdeˈdeenno-, Waag geer gaa memesichoká. Máá hújíchlé nannuoká midhab-, kern hí ma ˈgiˈgin-, ˈdeeny Waaˈgiet ˈdúwáállá hát ˈdabaanká eiy nannasat-, gálaat oonisuoká áat.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Héberew 10:32

Af giri erkob-, Fayam Midhaballá Waag hí kí edhesiche-, hé guđoká il hí aargiˈde-, hí hé kinaal me ki chichirsateká táb ˈdodhdhíe.

Héberew 11:17

Abirááyam iiy yeenle ˈdaalleka, af giri Waag hí he af kí dhaaycheká in Waag af ˈduwasie, inylé Yísak kúb suoryoká ˈdú iifie, giri Waag suor ki ˈgaaloká. Har úba Waag mú he af iđiche-, kieye, Hídhkú Yísako yé gáá ˈdeeme, chieka, mu hé inylé ali ka takachallá Waag suor ki hođuoká ma đíin.

Héberew 12:5

Góf it um Waaˈgiet Waag hí gogofsichééllá inno hí ká bađay? Góf giri kieye, Inychú, af giri Máá Guđo Waag ˈgúllé atím ˈgayyóóllá ko tutunnoká, ˈgúl kinaallá ha hé ˈdúúw mánká ka dhaˈgáminy. Héétí mu ko a tatuoka, ha ginnâny.

Héberew 6:15

Aaléka Abirááyam hé ma ˈgorôny, hé Waag hí hotéél af yíéđie, in el ˈdaal hé Waag hí af iđichééllá arge.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Yákob 5:11

Bá dhaayyíe, gál af ˈginnime-, mé ki chichirte-, ma giníminyká gál Waag hí ˈdú ˈguunnuanneká ke yegie. Yôb hát af ˈginnimeká ití maalle, tá Máá Guđoká waaséél hát mú naannasieká it óg. Máá Guđoká hé geer ka shâw ubaa geer ka guurá ˈguo.

Bétiro Erká 3:14

Har káána úba hé ˈdúwaká hí ˈdú manyjayyeka, Waag hé hí ˈdú ˈguunnuanne. Haí suurˈgany gálaat kikían, hí biirgisîny.

Bétiro Erká 4:13

Manyjany hát manyjasiny Kiristóóllá ka taalká il hí argiyyeka, taalle ger hí gaa meet, giri mú ˈduuwle ká edhdheyyeka súm ger hí gaa memeet-, hí geyyeenneká.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.