Márko 9:1 - Fayam Midhab Yiesu Kiristoká He Hol Af Iđiny Kaanaká

¹ Aalé mu geđi gáál geey, kieye, Yú hí hé ˈdúwaká geeye, gál állá ˈgíéllá ˈdáá tikiˈd ˈdaab Guch Waaˈgiet fargogínt ma kí chímenká ma árginyká hé ma kufuminy, Yíésu hí gáál yie.

Márko 9:1 Iomraidhean Croise

Lúka 9:27

Hé ˈdúwaká yú hí geeye, gál állá ˈgíéllá ˈdáá tikiˈd ˈdaab Guch Waaˈgiet ma árginyká hé ma kufuminy, Yíésu hí gáál yie.

Héberew 2:9

Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Márko 13:30

Yú hí hé ˈdúwaká geeye, gálallá hé les ma gaa bebeny, ˈdaab hééllá lulle ali ma kí ˈdíinyká.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Lúka 22:18

Yú hí geeye, ˈdaab Guch Waaˈgiet ma ka chímenká yáá saano vinnáállá ˈduunyle geđ ma igiminy, muí gáál yie.

Lúka 2:26

Hím Naasan Waaˈgiet Símion fayám shiiche, giri Messíya Máá Guđo Waag hí ali gáá kakawká ˈdaab muí ma árginyká mu mán ma yegenká.

Márko 13:26

Aaléka, gálaat Iny Máádhat nyáˈdow hát kí yiimetká hai aargira. Mu fargogínt ubaa ˈduuw guđoká hai kí yiimedhe.

Matááyo 24:30

Aalé hé gálaat yáá Iny Máádhátallá ˈjímchú aargisuoká úr ha gaalí gaa aargira. Aaléka, kidh met lullé les gaa ijoká hai beeme. Gaal yáá Iny Máádhátallá hát nyáˈdow kí yiimet-, fargogínt ubaa ˈduuw guđoká kí leledhoká hai aargira.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Yuána 21:23

ˈDeenyéél ˈdugaka, máádhat ˈdéé hótéél gál nyaaramká af ki veere, máá lálííllá hé ma kufuminy, gáál yie. Tá Yíésu íín hé kieye, Mu hé ma kufuminy, ma yéen. Mu hé hodheká kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? he yie.