Márko 8:6 - Fayam Midhab Yiesu Kiristoká He Hol Af Iđiny Kaanaká

⁶ Aalé mu nyesebich les yíéđía, yie. Mu đo balasha tiiyaká eedhdhe, Waag ˈgielmít hol ˈdú nie, balashá eiy ˈgiˈgidhie, balashá lalille shie, giri gaalí gálaat shiguoká. Aalé gál láliká balashá nyesebich eiy gise.

Márko 8:6 Iomraidhean Croise

Matááyo 26:26

Aalé gaal hátlé golmoteká, Yíésu balashá eedhdhe, Waag gielmít hol ˈdú nie, balashá eiy ˈgieˈgie, lalille shie, kieye, Balasháállá eedhdhíe, kóo, hééllá he gónchú, yie.

Márko 8:20

Yíésu geđi gáál heete, kieye, Tá af giri yú balasha tiiyaká gál shíí afurká eiy giseká illam mia ká ˈgite hí shuunate? yie. Gaal kieye, Illam tiiya nyí shuunate, gaalí yie.

Márko 8:5

Mu gáál heete, kieye, Balashá mia hí ˈgayya? yie. Balashá tiiya nyí ˈgayya, gaalí yie.

Márko 8:7

Beeny nigini mare úba gaalí ˈgie. Yíésu béé Waag ki viteká lalille geey, béé gaalí gáál eiy giso, yie.

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 24:30

Aalé af giri gaal gólol gaa yíéđieká, mu balashá eedhdhe, Waag gielmít hol ˈdú nie, balashá eiy ˈgey, gáál shie.

Yuána 2:5

Aalé Yíésu ˈjielle gál gálaat golmieká geeyche, kieye, Hé muí geeyoká tág kóo, gáál chie.

Yuána 6:23

Aalé kadis ény Tiberiados gáá chimie-, ál Yíésu hí Waag gielmít hol ˈdú nie-, gálaat hí balashá gaa koeyká malgle ˈjobínt ki ˈdiiyye.

Róóma 14:6

Gál kasleka kúlích tikiˈdeká hé kúlíchanóótíá ˈdú ˈdúwa yegetká Waag yaalmit kinaallá ˈdúúw gaa shiguoká fede. Héétí, gál so kokuoká Waag yaalmit kinaallá ˈdúúw gaa shiguoká fede, gaal hé so kinaallá ˈdaalleka Waag gielmít hol ˈdú nannuo. Hát tikiˈdééllá gál so ma kokonyallá Waag yaalmit kinaallá ˈdúúw gaa shiguoká fede, gálallá hé úba Waag gielmít hol ˈdú nannuo.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.