Márko 3:8 - Fayam Midhab Yiesu Kiristoká He Hol Af Iđiny Kaanaká

⁸ Gál éíy ilishká hé muí ekeyká maaleká úba mú ˈdu gáá yimie. Gaal lés Yuuˈdia ubaa ˈjien Yerusalem, tá lés Iđumaya ubaa wár Yorˈdan ílung ˈdaatí gáá kie. ˈJien Turo ubaa ˈjien Siˈdon gál hí innumle gaa ije mare úba Yíésu ˈdu gáá yimie.

Márko 3:8 Iomraidhean Croise

Matááyo 11:21

Mu ˈdéé huogodhe, kieye, Ény Korasinallo! Ény Beđesaidáállo! He hát hí ki ˈdeewká onnóo! Hé burnay-, gálaat hí af ˈdaˈdabo-, yú hí hurt gaa ekeyká héle gaalí ˈjien Turo ubaa ˈjien Siˈdon gaa ekênyka, gál ˈjien kinaalloká kisso onnônyka he sharim hite, egem ˈjidhdhe, Waag makan fame.

Matááyo 4:25

Nyésébích gálaat-, Galilááya, ˈDekáboles, Yerúsalem, Yuuˈdía, tá wár Yorˈdan ílunglé ˈdaatí gáá kieká Yíésu el gaa veere.

Márko 7:24

Aalé Yíésu ál kinaal gáá kie, lés Turo innumle mé nie. Mú ˈbíl hilitle gaalí aargiroká muí má fedo, kor mu hát níínní hol kaawká mán.

Márko 7:31

Yíésu geđi Turo gaa kie, ˈjien Siˈdon gaa nadhe, sedhe, ˈjien ˈDekaboles giri Bás Galilaaya in ijoká mé đig yie.

Lúka 6:17

Yíésu ubaa lalille gúm gáá leedheká, Yíésu ál gaa guđo-, saaloká ki ˈdie. Ál kinaal mú lalillé guđoká hé mú hol ˈgie. Nyésébích guđoká úba lés Yuuˈdia ubaa ˈjien Yerusalem, tá ˈjien Turo ubaa ˈjien Siˈdon giri bás in ijeká he gáá yimie,