Márko 2:5 - Fayam Midhab Yiesu Kiristoká He Hol Af Iđiny Kaanaká

⁵ Yíésu hát gálal hí iiy yieká argeká máá giri héljoká geey, kieye, Inychú, ađaabanokú yáá ko gaa eey, yie.

Márko 2:5 Iomraidhean Croise

Matááyo 9:2

Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie.

Matááyo 9:22

Aalé Yíésu hol gáá made, min ki fuˈjie, kieye, Veelééllo, ha geer mare ˈgíiny! Iiy yeen kua ye iiy chíéllá hé ko bisiche, yie. Min đo tíkíˈdé kinaallá fayante.

Matááyo 9:5

Hé máre súm hawul man yú hogodho? He in ađaabanokú yáá ko gaa eeyyo, yú yeedhee? Ebá keʼ, sí, yú yeedhe?

Márko 2:6

Gál nyatalaam ál kinaal ijeká tawue, kieye,

Márko 5:34

Aalé Yíésu min geey, kieye, Veelééllo, iiy yeen kua ye iiy chíéllá hé ko bisiche. Waag ki sí, ál ko gáá ˈdiiyyééllá hát ˈdabaanká gaa bé. Naaná yíéđig, yie.

Lúka 5:20

Aalé Yíésu gáál iiy yeenle argeká, máá giri héljoká geey, kieye, Musó, ađaabanokú yáá ko gaa eey, yie.

Lúka 8:48

Aalé Yíésu min geey, kieye, Inííllo, iiy yeen kua ye iiy chíéllá hé ko bisiche, Waag ki sí, yie.

Yuána 2:25

Mu ˈdaa giri hé gaalí ger ka ˈguoká ógká, hé máá éíy taaka hegete-, hí ˈdeeny máádhat geđieká mán.

Yuána 5:14

Aalé waaséél máá midhandheká ˈBíl Waaˈgietká álle mé nieká Yíésu mú ˈdú sedhe, mú geey, kieye, Bá dháash, kó midhante, ha geđi ađááb hol ˈdú náan, hé súm ˈdeewká ko mé gáá ˈjíiny, mú yie.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 14:9

Mu ˈdeeny Báulo hí hogodheká nee koy. Aalé Báulo mú tág gaa dhaayká, mu iiy yeen máálle gaalí biisuoká ˈgaa.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Korínto Erká 11:30

Hééllá ˈdugaka in itín hurt kíchiallá gál burnayká fargogínt ˈdabe, basham kaadhdhe, gál túóy nyuoroká kufe.

Korínto ki Naamaká 2:10

Máá hééllá ˈdeeneyallá hí ˈdú ˈjiiyyeka, yáá úba ˈdú ˈjie. Hé muí ekeyallá ˈdaalleka yú mú ˈdú ˈjieka, hé kinaallá innum Kiristoka ˈdaa kíchia yú ki ekey,

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Kolosááya 3:13

Héétí hol met ˈdugano ki sisidháa, hé hí hol ki ˈdeđeneychoká ˈdaalleka, hát Waag hí ˈdú ˈjeˈjeenallá, hol ˈdú ˈjeeˈjeemíe.

Yákob 5:15

Gáál Waag visanlé iiy yeen ˈgayyoká máá kúllaká hai rianna. Máá Guđoká máá kúllaká les hai gaa egee, har mu he ađááb hileka, mú ađááb hai gaa egee.