Márko 2:16 - Fayam Midhab Yiesu Kiristoká He Hol Af Iđiny Kaanaká

¹⁶ Aalé gál Farisaay nyatalaamká héél argeká Yíésu lalille heete, kieye, Háteka máá kíchiallá gál gibíre gugusatká ubaa gál ađaabano ˈguoká hol ˈgar golmosotal? yie.

Márko 2:16 Iomraidhean Croise

Matááyo 18:17

Har he gál kinaal af ká điidheka, gál Waag iiy yie-, me hí hol aargiroká géesh. Har gál kinaal úba af ká điidheka, mú hash, mú gál Waag iiy ma yéenká ubaa gál birm gugusat-, muom kokuoká mú tikiˈd ka dháash.

Matááyo 5:46

Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny?

Matááyo 9:11

Gál Farisaay héél argeká lali Yiesu heete, kieye, Máá kíchia hí he oonisuoká in háte he ˈdie? Máá gál gusachiet ubaa gál ađaabano ˈguo-, ke hol af ma gaa kokonyká hol af gaa kokúol! yie.

Márko 2:15

Waaséél Yíésu hátlé ˈbíl Levi gaa golmoteká gál gibíre gugusatká ubaa gál ađaabano ˈguoká úba ˈbíl ká hile, Yíésu ubaa lalille hol ˈgar gololte. Gál burnay hat kinaalloká úba mú el gaa veere.

Márko 2:7

Máállá háte ˈdeenyéél hí af yé gáá ˈdie? E mu Waag chaara! Waag tákáma gálaat ađaabano gaa egeyye, gaalí yie.

Lúka 18:11

Máá giri Farisaayká les gaa kie, Waag vite, kieye, Waag, yáá ko meey, yú yáá hát gálatíá lulle muuniny, gálle gálaat gaa buruan-, hé ˈdeđewká ekemeyo-, tá hol buruanallá. Yáá úba hát máá gibíre gugusatallá muuniny.

Lúka 19:10

Tá Iny Máádhat ka yimíéllá, gál bađayká he hol gaa ˈgeˈgedhe, he ririma, Yíésu hí yie.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

He Ekeny Gál Alb Fimiká 23:9

Aalé gálaat đo súm kúóˈd ˈdoy, gál Farisaay nyatalaamká les gaa kie, ˈdéé hát chira saritiká huogodhe, kieye, Máállá hé ˈdeew-, he ˈdeeney-, nyí gaa argiyyeká mán. Mú káána máá mákárta-, urietká, muuninyka, máá ˈgasso-, urruká hí ka géeyka it ôg? gaalí gáál yie.

Korínto Erká 2:15

Máá Hím Naasan Waaˈgiet ˈguoká hé Waaˈgiet eiy hai nannata, tá gál Hím Naasan Waaˈgiet mánká hé máá níínní máá Hím Naasan Waaˈgiet ˈguoká hélle eiy nannasatká mán.

Héberew 12:3

Máá kúnnaa gál ađaabano ˈgieká hí eeshey-, hí he ki ekeyká hát hé ˈdeew kinaal ma đíin-, he gaa nadheká taawúa, mé ka ˈgáa, giri hí gúóf ma ˈdaabiny-, hí ma giinanyká.