Márko 2:12 - Fayam Midhab Yiesu Kiristoká He Hol Af Iđiny Kaanaká

¹² Gaal hátlé mú gaa dhaˈgameká mu đo les gaa kie, lokoˈdle eedhdhe, ényle mé nie. Gaal lulle héél af ˈdabe, kor Waag meey, kieye, Hé hatalóóllá hé kálta ke ma árginy! yie.

Márko 2:12 Iomraidhean Croise

Matááyo 12:23

Yíésu héél tákáma ekey, nyesebich đo af gil hí fame, hol heegete, kieye, Máállá in buot máá ˈbíl íl ˈDawuˈd yé gáá ˈdeˈdeme-, ke met egeseká máámaʼ? gaalí yie.

Matááyo 15:31

Aalé gál af maamanayká ˈdeem huogodhe-, gál héljoká bie-, gál ˈgas maamanayká hol gaa seeseme-, gál in maamanayká úba biiy gaa argeká, nyesebich đo af gil hí fame, gaal Waag Yisirayel meey.

Matááyo 9:33

Mu tikiˈde Yíésu hí aryáán yé gaa ˈdeđúóllá đo ˈdéé huogodhe. Gálaat he af hiibidhme, kieye, Hé hatallóóllá hé kálta gaalí Yísirayel ma gaa árginy, yie.

Matááyo 9:8

Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.

Márko 1:27

Gálaat lulle he af ˈdabe, hol heegete, kieye, Héél meete? He he onisiny kaana-, hemuumurít ˈgayyokâ? Máálle aryáán úba he ki mumuro-, aryáán hí met gaa kekeenal! gaalí yie.

Márko 2:11

Ha yú ko geey, les gaa keʼ, lokoˈdkú éew, gal! yie.

Lúka 13:13

Aalé mu min gil ˈdú fie, min giriká đo leđugul ˈdiiyye, Waag meeyche.

Lúka 17:15

Gál kinaal mú tikiˈd midhandhe-, hol argeká, hol ká nadhe, Waag af gaa guđoká ki meey.

Lúka 5:26

Gál ál kinaal ijeká he af ˈdabe, Waag meey, kor birge, kieye, Hé gáál a ˈdaˈdabsuoká hé kúlíchal ke arge, gaalí yie.

Lúka 7:16

Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Yuána 7:31

Tá nyésébích kinaal gál burnayká mú iiy yie, kieye, Hé gáál af ˈdaˈdabsuo-, máállá hí eekemeyóóllá ebá fargogóon! Máállá taalle Messíya máámaʼ? gaalí yie.

Yuána 9:32

Máá in mánt kí ˈdalidhe-, kor gaalí in kaayká hé kálta máá hí maaleká mán.

He Ekeny Gál Alb Fimiká 4:21

Aalé máá méte suoryoká ubaa gállé hol ˈgieká geđi Bétiro ubaa Yuána ki lole, gáál il gíl gaa helie. Gál guguđo kinaallá ˈdaa giri gálaat lulle hé Bétiro ubaa Yuána hí ekeyká af ˈdabe-, Waag memeyká in gálaat kiadhe, hé Bétiro ubaa Yuána he ma ki ekêny, gáál fure.