Márko 12:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu hát hibietká gáál he onisie, kieye, Mú tikiˈd ˈguor saano vinnaká lésle gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Márko 12:1 Iomraidhean Croise

Matááyo 13:3

Aalé mu hé burnayká gáál hát hibiet-, he hol ki ekenyká onisie, kieye, Máá les fafuoká les hurt mé nie, giri áár fafuoká.

Matááyo 21:28

Aalé Yíésu gál guguđo kinaal heete, kieye, Hibééllá tawunykíchoka, háteeye hí ká dhaˈgasanna? Mú tikiˈd nyígéény hí naama. Mu iny erkob-, he af kí ˈdieká geey, kieye, Inychú, kúlíchallá lés kúnnaa saanoká hurt sí, hujich naʼ, yie.

Matááyo 21:33

Aalé Yíésu geđi gáál geey, kieye, Ebá hib he hol ki ekenyallá úba nee kóo. Máá leslé mare lésle ˈguor saano vinnaká gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Matááyo 21:34

Aalé aleđuđugul gaalí saano vinna gaa babaatká ali kí ˈdiiyyeká, máá les léká gedelle gál les af iđieká ali ˈdú fie, giri gál kinaal géde saano ˈbáál ka shiguo-, gede mú saano ˈdu gáá siidhoká.

Matááyo 25:14

Yíésu geđi gáál hibéél geey, kieye, Bár kinaallá Guch Uratiká yaalmit úba ki égká he hát máá sieny lés fágká hí ka hileká gedelle hol ˈdú vie-, kamurle gáál gil fieká he ká taalla.

Márko 11:33

Aalé gaal Yíésu ˈdéé hol ˈdú nie, kieye, Nyáá nyí muog, yie. Aalé Yíésu gáál geey, kieye, Af kinaalka, yáá kansim hééllá ki ekemeyoká máállé hí ye ká shieká úba hí ma ká geđiny, gáál yie.

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Márko 3:23

Aalé ál kinaal Yíésu gáál vie, gáál he onisie, kieye, Sátan háteeye hol ali gaa aruanna?

Márko 4:2

Mu hé burnayká hát hibietká gáál onisie. Hibano muí gáál onisieká híb tikiˈd hééllá. Mu kieye,

Lúka 15:13

Guch guđo mán, máá giri ninniká shokodaamle shuunne, aanyle hol ˈdú tune, aany ˈdaanne, lés éíy fágká mé nie. Bííy kinaal shokodaamle ubaa aanyle ki aaˈdume.

Lúka 19:12

Aalé mu gáál geey, kieye, Máá ˈbíl ílle ˈbíl íl kansimo mare kie, lés fág mare mé nie, giri gaalí bííy kinaal kansím gáá shiguo-, tá hol ka naatká.

Lúka 22:9

Gaal mú heete, kieye, Ále feˈde, nyí gólol tág gaa kokoyyo? gaalí yie.

Lúka 8:10

Aalé mu gáál geey, kieye, Itíni in hé geer geđi Guch Waaˈgietká Waag hí shiiche. Tá gáláátatíá íín he lulle hát hibietká yú geđia, giri gaalí dhaayka, gaalí ma aargiriny-, gaalí maaleka, gaalí ma kiimisanká.

He Ekeny Gál Alb Fimiká 7:38

Hééllá he Móshe giri eshim eshimkúnno ubaa nyésébích Yisirayel lulle hol ˈbakat álle af ije-, máá ˈgasso-, urruká hí Gúm Sanai ˈdéé gáá shigie-, ˈdeeny luolmiti kinaal gáál ˈdú sisidheká.