Márko 10:2 - Fayam Midhab Yiesu Kiristoká He Hol Af Iđiny Kaanaká

² Gál Farisaayká ˈdáá tikiˈd mú ˈdu gáá yimie, mú hát hinyamoká heete, kieye, Máádhat minle điidhanká ˈdaa hemuumurit Waaˈgietka taglê? yie.

Márko 10:2 Iomraidhean Croise

Matááyo 15:12

Aalé gál láliká Yíésu ˈdu gáá yimie, kieye, Gál Farisaay hát ˈdeenykú néballá kó kimisate? gaalí mú yie.

Matááyo 16:1

Aalé kulich tikiˈd gál Farisaay ubaa gál Saˈdukaay ˈgíérích he Yíésu ˈdéé af kí dhaˈgasanká hol af gáá maale, kí kie, mú ˈdu gáá yimie. Gaal mú heete, giri mu fargogint urietká hé gálaat hí af ˈdaˈdaboká ki ekemeyo-, gaalí aargiroká.

Matááyo 19:3

Aalé gál Farisaay ˈdáá tikiˈd Yíésu ˈdéé af kí dhaay, mú heete, kieye, Mááyab minle hát lulle điđidhan-, min hol eiy gaa gagaloká ˈdaa hemuumurit Waaˈgietka taglê? yie.

Matááyo 22:35

Aalé gáál máállé súm hemuumurit Waag hí Móshe ka shiicheká óg mare ˈgíérích he Yíésu ki raraatká Yíésu yiete, kieye,

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 9:34

Aalé gál Farisaay íín kieye, Mu aryáán kánsíchle fargogintle in aryáán yiem ki ˈdeđia, yie.

Márko 10:1

Aalé Yíésu Kafarnáum gáá kie, lés Yuuˈdia mé ká nie, ˈjíig wár Yorˈdan yíé ˈdie. Nyesebim burnayká mú ˈdu gáá yiimie. Mu hátlé aađaká geđi gálaat he onisie.

Márko 10:3

Yíésu gáál ˈdéé hol ˈdú nie, gáál yiete, kieye, Móshe héle meete hí ki mure? yie.

Márko 8:11

Aalé Gál Farisaay mú ˈdu gáá yimie, mú hol ki falme. Gaal mú hai ki ekemete, har mu hé gáál af ˈdaˈdabsuoká fargogint urietká ki ekemeyoka.

Márko 8:15

Yíésu gáál il gíl gaa helie, kieye, Tág ˈdée! Maat gál Farisaay ubaa maat Heroˈde hol ˈdeeˈdemíe, yie.

Lúka 11:39

Aalé Máá Guđo Yíésu máá giri Farisaayká geey, kieye, It Farisaayallá, itín makal ubaa ˈdaate hí ˈdug gáá ˈjiˈjiyya, tá gerkícho he hol ki fedít ubaa tawuny ˈdeđewká hí koch.

Lúka 16:14

Aalé gál Farisaay giri birm gielká ˈdeenyéél lulle maaleká Yíésu eeshey.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

Lúka 6:7

Aalé gál nyatalaamká ubaa gál Farisaay giri hé mú hem ki sisidhoká hol gaa ˈgeˈgedheká mú ˈdeey, mu har Kúlích Hef ˈGisanéél máádhat gaa biisuoka.

Lúka 7:30

Gál Farisaay ubaa gál nyatalaamká Yuána hí bie gim nannuoká iiy ma yéenká íín hé Waag hí ki feˈdeká điidhe.

Yuána 11:47

Aalé gál guguđo-, suoryoká ubaa gál Farisaay hol vie, ˈdéé iđie. Gaal hol yiete, kieye, Háte ki ˈdeeme? Máá állá gaa seseenallá ebá hé burnay-, ke af ˈdaˈdaboká eekemêy!

Yuána 11:57

Tá gál guguđo-, suoryoká ubaa gál Farisaayká íín hé kis ˈdéé muˈde, giri máádhat Yíésu ál he gaa ijoká óíytaka, mu gáál ˈdéé ˈdú siidho-, mú gaalí ˈgiiliˈgawká.

Yuána 7:32

Gál Farisaay nyesebich ˈdeeny Yiesúúl hol geđia maaleká, íín ubaa gál guguđo-, suoryoká đo gál ˈBíl Waaˈgietká ˈdeˈdeenká ali fie, giri gaal Yíésu ka ˈgiiliˈgawká.

Yuána 7:48

Gál kaansúóllá ubaa nyííni nyí Farisaayallá it gál mú iiy yieká nyí gaa argiyye?

Yuána 8:6

Gaal mú hatallá yíéllá, hé mú af kí dhaˈgasan-, mú ˈdú ˈdeđensetká he mú gaa ˈgeˈgedhe. Yíésu íín taalle mé les ki ˈdoy, gúmúrínylé he les ki verene.

Korínto Erká 10:9

Muun hát gaal íín ˈbaal hí ˈdie-, gálle Kirísto ki egete-, chaara hí koey-, kufeká ha ke ˈdíiny.