Márko 10:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu Kafarnáum gáá kie, lés Yuuˈdia mé ká nie, ˈjíig wár Yorˈdan yíé ˈdie. Nyesebim burnayká mú ˈdu gáá yiimie. Mu hátlé aađaká geđi gálaat he onisie.

Márko 10:1 Iomraidhean Croise

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Márko 1:21

Aalé Yíésu ubaa lalillééllá ˈjien Kafarnaum ki fame. Kúlích Hef ˈGisanká Yíésu ˈbíl ˈdiiyiminyká sedhe, gálaat he onisie.

Márko 10:2

Gál Farisaayká ˈdáá tikiˈd mú ˈdu gáá yimie, mú hát hinyamoká heete, kieye, Máádhat minle điidhanká ˈdaa hemuumurit Waaˈgietka taglê? yie.

Márko 12:35

Aalé Yíésu ˈBíl Waaˈgiet gáál he gaa oonisieká gáál yiete, kieye, Háteka gál nyatalaamká kieye, Máá Waag hí kansím koyye-, Messíya lééllá he Iny ˈDawuˈd, yegíel?

Márko 14:49

Bar lulle yú ˈBíl Waaˈgiet gálaat he gaa oonisuoká afo ke hol ije, tá har hí ye ál kinaal má gaa ˈgiliˈganya? Aalé káána hé Warˈgat Waaˈgiet hí hoteká hátlé kinaallá ˈdúúw hai yeedhe, yie.

Márko 2:13

Aalé Yíésu ál kinaal gaa kie, geđi bás in nadhe. Nyésébích guđoká mú ˈdú sedhe, mu gáál he onisie.

Márko 4:2

Mu hé burnayká hát hibietká gáál onisie. Hibano muí gáál onisieká híb tikiˈd hééllá. Mu kieye,

Márko 6:2

Kúlích Hef ˈGisanká ali kí ˈdiiyyeká mu gálaat ˈbíl ˈdiiyiminyká he gaa onisie. Gál burnayká mú he onisinyle maaleká he af ˈdabe. Gaal kieye, Máállá hééllá ále gaa arge? ˈDaalim muí argéél he ˈdaalim máre? Hé fargogo ke af ˈdaˈdabóól muí ekemeyóol?

Márko 6:34

Gaal kadich gáá leedheká Yíésu nyésébích ilishká arge. Gaal hát wala máá hí ˈdeˈdeen-, mánká ká ˈgee. Mu đo gáál geer hí ˈdú gudhdhe. Mu gáál hé burnayká onisie.

Márko 6:6

ˈDaa giri gaal mú iiy ma yéenká in mu hééllá af ˈdabe. Aalé Yíésu ˈjien gaa sedhe, gálaat he onisie.

Yuána 10:40

Aalé Yíésu hol nadhe, wár Yorˈdan ílung ˈdaatí yé ki ˈdie, ál Yuána hí gálaat bie gim gaa nannieká gaa yíéđie.

Yuána 11:7

He đueká mu lalille geey, kieye, Ka yimedhíe, kí Yuuˈdía hol ˈdú naat, yie.

Yuána 18:20

Aalé Yíésu kieye, Yú les ˈdeeny édhká geey. Yú bar lullé ény ˈdiiyiminyká ubaa ˈBíl Waaˈgiet-, gál Yuuˈdi-, hí hol ˈdu gáá yiimetká gálaat he gaa oonisie. Yáá ˈdeeny níínní hát shuolitiká huogodheká mán.