Márko 1:4 - Fayam Midhab Yiesu Kiristoká He Hol Af Iđiny Kaanaká

⁴ Aaléka Yuána giri gálaat bie gim nannuoká ál ˈbakate mare ki ˈjie, gálaat ki ˈdiiyime, giri gaal héllé ˈdeđew-, eekemeyká gil sug ki haađuo-, gaal Waag makan fafaan-, gáál gaalí bie gim nannuo-, gáál Waag hí ađaabanolle ubaa nyuogimle gaa egeyyoká.

Márko 1:4 Iomraidhean Croise

Matááyo 3:11

Yú it giri hí hé ˈdeđewká hayche-, hí Waag makan faannééllá, in hí bie gim nannaa. Tá Máá ye biiy el gáá ˈjeenká hé ye far ˈdú gogo. Yáá ˈduuw ˈguo-, mú koiy ˈgas gaa furoká mán. Mu íín Hím Naasan Waaˈgiet ubaa ˈjiete hí gim nannaa.

Matááyo 3:6

Gaal héllé ˈdeđew-, eekemeyká huogodhe, Waag makan fame, Yuána đo gáál wár Yorˈdan bíélle gim nie.

Márko 1:5

Aalé gál lés Yuuˈdiaká ubaa gál ˈjien Yerusalemká lulle Yuána ˈdú sedhe, gaal héllé ˈdeđew eekemeyká ˈdeentle iiy yie, mu gáál wár Yorˈdan álle bie gim gaa nie.

Lúka 1:77

Kúún Máá Guđoká hát gálle ririanká gálaat ha ki ˈdiyeenne, giri mu gáál nyuogimle gaa egewká.

Yuána 3:23

Yuána íín ál gaalí Áíynon yeget-, Sálim kí ˈjób-, bie hí burnay mare he gálaat bie gim gaa nannie. Aalé gálaat Yuána ˈdú seeseme, muí bie gim naannie.

He Ekeny Gál Alb Fimiká 10:37

Hé Yíésu hí lés Yuuˈdia lulle gaa eekemeyká it óg. Hé kinaallá he bár giri Yuána bie gim niiny fayamle ˈdiiyimeká el ˈdaallá. Hé kinaal lulle er lés Galilaaya yé gáá ˈdie.

He Ekeny Gál Alb Fimiká 22:16

Aalé káána meete egete? Les gaa keʼ, mú ki búoy, gaalí ko bie gim nuo, ađááb hí ko yé gaa ˈdiiyyo, muí ye yie, Báulo hí gáál yie.