Lúka 8:3 - Fayam Midhab Yiesu Kiristoká He Hol Af Iđiny Kaanaká

³ ubaa Iwánna, giri min Kussa-, bélle máá kansich Heróˈde hujich ki nannieká, tá Susánna. ˈDegééllá ubaa ˈdeg éíy taaka burnayyeká héllé ˈgayyeká Yíésu ubaa lalillé tomon a naamaká he ki wawayche.

Lúka 8:3 Iomraidhean Croise

Matááyo 14:1

Af kinaallá Heróˈde giri kánsích lés Galilaaya onnoyká fayam Yiesu maale.

Matááyo 14:3

Máá Heróˈde lééllá in héle Yuána ˈgiliˈgay, mú hiigidhe, mú ˈbíl hiiginká gaa kaay. Mu Yuána ˈbíl hiiginká gaa kaayallá, mu nyárlé Fílib minlé Heróˈdias minle hote, hé kinaallá in Yuána hí mú ˈdú ˈdeente.

Matááyo 14:6

Kor af giri Heróˈde kúlích he gaa ˈdalidheká ˈjilalle ali kí ˈdiiyyeká, ini Heroˈdias gál gaalí kiereká met gaa laalate, Heróˈde geer hí gaa meedhe,

Matááyo 2:11

Aalé gaal ˈbíl hileká véel ubaa ˈjiellé María arge. Gaal véel metle les kurram gaa ˈdoy, véel ˈdúúw shie. He đueká gaal đo tokolaamle af fuufure, gaal hórkí ubaa íláám ussaká, tá henyit gaalí salab hol fie-, he véel ˈdu gáá sidheká véel shie.

Matááyo 20:8

Aadh he gaanateká, máá lesléká gál hí lésle hujich gaa nannuoká máá hí mé ki yaalká vie, mú geey, kieye, Gál hujich nieká hol ˈdú veʼ, gáál símísle hol ˈdú naʼ. Gáál bíre shigichoká gál giri biiy el ˈdaˈd hujich ka hileká mé gáá kúo, tá ˈjíig gál bur a midhab hujich mé gáá kodhdheká yé ˈdú ˈdé, muí mú yie.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 26:11

Itín gál he maamanká bar lullé hí hol af iđa, tá yú yáá bar lúl ke hol af ma iđiny.

Matááyo 27:55

Ál kinaallá hé gál ˈdiet burnay-, Yíésu dhaˈgame-, tagéétí ˈgieká hí ˈgie. ˈDeg kinaallá he ˈdeg Yíésu ˈgar ká kiiyye-, mú Galilááya hol gáá eedhdhe-, mú gállé gillo-, onnoyyeká.

Lúka 24:10

ˈDeg gál alb fimiká fayám shiicheká he mú María Magaˈdalaká, Iwánna, ubaa María giri Yákob ˈjielléká, tá héétí ˈdeg éíy taaka gáál hol ˈgieká.

Yuána 12:6

Mu hatallá yíéllá, hé kieye, mu gál he maamanká hí geer gaa ˈdeew, muuniny, mu buraa he liley. Mu íínííllá he máá bíre laliká shomodhelle hí gíl geer gaa iđe-, kor bíre a nigini mare gaa burumeká.

He Ekeny Gál Alb Fimiká 13:1

Gál Kiristo Antiokká hé gál Waag hí ˈdéé ka shigicheká ubaa gál gálaat ˈdeeny Yiesu oonisieká hí gaa ije. Gál kinaallá he mú Barnábas, Símion giri Níˈjer léká, Lókias giri máá ˈjien Kureneká, Manáyan giri Heróˈde giri les mé ˈdíne ˈdáá tikiˈd mé ki yielká hol ˈgar ká guguđandheká, héétí ubaa Sáwul.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Filíbi 4:22

Gál Kiristo-, lullé állá gaa ijóóllá, tá súm gál ˈbíl geer Kaisar, hé hí naa ká yie.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.