Lúka 5:1 - Fayam Midhab Yiesu Kiristoká He Hol Af Iđiny Kaanaká

¹ Kulich mé tikiˈd Yíésu Bás Genesaretká he in yiel. Gál burnayká mú kí tame, ˈdeeny Waaˈgieto he nee kokoy.

Lúka 5:1 Iomraidhean Croise

Matááyo 11:12

Ameeny Yuána gálaat ki ˈdiyimeká tá káána đigallá Guch Waaˈgiet gál hí eiy fufumuoká fedoká hé hí ˈdu gáá ruruan, hí uunmách gaa ˈgeˈgedho.

Matááyo 14:34

Gaal baad af ˈdaati-, basietká yé ki ˈdieká, gaal ény Genesaret ílungle ki ˈdie.

Márko 3:9

Aalé Yíésu lalille geey, kieye, Ye kadich bala ka kóo, kadich gaa yíéđia, nyesebich hai ye ˈdu gáá tuutúminy, yie.

Márko 4:1

Yíésu aadh eiy geđi gálaat bás in he gaa onisie. Nyésébích guđoká mú ki made, mu kádích bás gaa yielká hile, gaa yíéđie. Gálaat íín ílung yíéđie.

Márko 5:24

Aalé gaal hol eedhdhe, nyesebich mú el gaa veere. Gaal mú kuˈd ki yie, mú ki tame.

Márko 6:53

Aalé gaal bás hođoˈd ˈdoy-, Genésaret ílungle ki ˈdieká kadich mé ˈdisse.

Lúka 12:1

Kúlích kinaal gál shíí burnay mare hol ˈdu gáá yiimie-, úba hol kar ririmeká, Yíésu erkob lalille geey, kieye, Gál Farisaay maatle hol raaradhíe. Haí hát gaal íín hí hol gál ˈduuˈdúwaká hol hođúóllá hí hol hôny.

Lúka 5:2

Mu kadis naama bás in ˈgiiyye mare arge. Kadís gállé hí ki awumeká kisso hí yé gaa ˈdie, gaal bushlé he ˈjiˈjie.

Lúka 8:22

Kulich tikiˈd Yíésu lalille geey, kieye, Kí bás ílung ˈdaatí yé ki ˈdie, yie. Aalé gaal kadich hile, kudhdhe.

Lúka 8:23

Gaal kádíchlé gaa ijeká Yíésu in hí dhie, ram hí eete. Aalé waanich ká ˈdoy, huđum ká kiite, bie kadich geer faafame, gáál kufach hí kí hile.

Lúka 8:33

Aryaan giriká máá giriká yé gaa ˈdiiyye, golchom hille. Golchom giriká gúm gáá okoˈde, bás ki ˈdiiđime, kufe.

Lúka 8:45

Aalé Yíésu gáál yiete, kieye, Mááya ye đig yie? yie. Aalé gálaat lulle kieye, Nyáá nyí ko đig ma chéen, yieká, Bétiro kieye, Máá Guđo, nyesebich hé tág ko ki made, tá ko kí tame, yie.

Yuána 1:40

Gál giri naama-, Yuána ˈdéé hogodheká maale-, Yíésu el gaa veereká mú tikiˈd hí Ánˈduru giri Símon Bétiro nyárléká.

Yuána 6:1

Hé kinaal el ˈdaal Yíésu Bás Galilaaya-, Tiberiados léká ílung ˈdaatí yé ki ˈdie.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.