Lúka 3:2 - Fayam Midhab Yiesu Kiristoká He Hol Af Iđiny Kaanaká

² Aalé af giri Ánnas ubaa Kayáfas gál guguđo-, méte suoryoká onnoyká, Yuána giri Iny Sakariaká ˈbakate gaa ije, Waag hí ˈdéé ká shiiche.

Lúka 3:2 Iomraidhean Croise

Matááyo 11:7

Aalé lali Yuana he ˈgas badhdheká, Yíésu Yuána ˈduuwle nyesebich geey, gáál yiete, kieye, Lés ˈbakatéétí hí sieteká meete hí aargiˈde hí feˈde? Hóch waanich hí muotisuoká hí aargiˈde?

Matááyo 26:3

Aalé gál guguđo-, suoryoká ubaa gál káruká ény máá méte suoryo-, Kayáfas léká me hí hol gaa arge.

Márko 1:2

Warˈgat máá Waag hí ˈdeem ka shigiche-, Yisááya léká hí veereká hatallá he chie: Ebá dháash, yú máá chia ˈgassoká ali ha gáá kakaa. Mu met hai ko naadha, mu ˈgíérích kua he tág kokoo.

Lúka 1:80

Aalé veel guđandhe, Hím Naasan Waaˈgiet ˈdaa ki liledhe. Mu ˈbakat álle gaa yíéđie, ˈjíig mu gál Yisirayel ál kinaal ki ˈdiiyime.

Yuána 1:23

Aalé Yuána kieye, Yú he ˈdéé hót ˈbakat gáá ˈgiˈgite-, kieye, ˈGíérích Máá Guđoká lođuđugul kóo, chegie-, Waag máállé ˈdéé ka shigiche-, Yisááya hí ˈdeenyle hodheká, yie.

Yuána 18:24

Ánnas đo Yíésu hátlé gaalí gil hiigidheká yuoy geey, giri Yíésu gaalí máá méte suoryo-, Kayáfas léká ˈdú egewká.

He Ekeny Gál Alb Fimiká 4:6

Máá méte suoryo-, gaalí Ánnas yegieká ubaa gállé mú Kayáfas, Yuána, Alekesánda, tá mú gállé éíy yaab mare úba hé ál kinaal gaa ije.