Lúka 2:9 - Fayam Midhab Yiesu Kiristoká He Hol Af Iđiny Kaanaká

⁹ Aalé máá ˈgasso-, urru-, Waaˈgietká fórích kinaallá gálle yé ˈdu gáá ˈdie, Máá Guđo Waag édhúmle gáál ˈdinnam lulle gaa veere, gaal súm birge.

Lúka 2:9 Iomraidhean Croise

Matááyo 1:20

Mu hátle tawuny kinaal ˈgaa, máá ˈgasso-, urru-, Waaˈgietká mú hát amadhyoká ˈdu gáá yimie, mú geey, kieye, Yúósef, iny ˈbíl íl ˈDawuˈd! María egeet-, minkú hođisatká ha kían. María Hím Naasan Waaˈgiet ˈdaallé geer hí ki hile.

Lúka 1:28

Aalé mu María ˈdú sedhe, kieye, Kó Waag ko ˈdú ˈjiiyyéel, náa! Kúún kó Máá Guđo Waag hí hol af iđa, yie.

Lúka 2:8

Chúúré kinaal ény kinaal ˈjobintle hé fórích aiyiet hí gaa ije.

Lúka 24:4

Aalé ˈdég hátlé hé kinaal a ˈdaˈdabiyyeká gál yááb naama đafaraam édh ˈjiimidatká fadhdhe mare gáál láá kí ˈdie.

Yuána 12:41

Yisááya hééllá hodhééllá, Yíésu guchlé arge, in mú ˈdeenyle huogodhe.

He Ekeny Gál Alb Fimiká 12:7

Aalé toomareka máá ˈgasso-, urru-, Waaˈgietká đo ˈbíl hiigin kinaal hurt yé gáá ˈdie, ˈbíl geer hí gaa edhdhey. Aalé máá urru kinaal Bétiro kiisie, kieye, Đo le gaa keʼ, mú yie. Nyarugano giriká đo mú gil gaa okoˈde.

He Ekeny Gál Alb Fimiká 27:23

Waag ye lé-, yú hujich ki nannúóllá máállé ˈgasso-, urruká kisare ye láá kí ˈdie,

He Ekeny Gál Alb Fimiká 5:19

Tá chúúré kinaal máá ˈgasso-, urru-, Waaˈgiet mare ény hiigin kinaal af fuufure, gáál yé ká ˈdeete, kieye,

Korínto ki Naamaká 3:18

Múúni lulkúnno ke Kirísto iiy yie-, kaskúnno đafar hí gaa ˈjiiyyééllá, Máá kúnnaa Guđóóllá guchlé ka edhdheyyééllá hé ke il ki aargiro, in aaléka muun gáál taalle hol gaa lalaanna, giri húgúmkúnno mú húgúmle hođichoká. Hol gaa lany kúnnaallá Máá kúnnaa Guđoká Hím Naasanlé he yé gáá ˈdeˈdeenne.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 12:21

ˈDaa giri gúm yaalmitlééllá gáál sierm fafiyyeká in Móshe kieye, Yáá tág sierm ye faanne, fađane, yie.

Kí Edhesiny 18:1

Aalé hééllá yú argeká, yú máá éíy taaka-, urru-, ˈgasso-, úr gáá leledho-, hemuumurit guđoká ˈguoká arge. Máá kinaallá édhúm hí yé gáá ˈdieká biiy gaa edhesie.

Kí Edhesiny 20:11

Aalé yú kara guchi-, guđo-, édhká ubaa Máá hí ˈdú ijoká arge, mú innumle les ubaa úr hí met kar gaa ˈdanne, kor les ubaa úr hé ál níínní yíéđuoká mán.