Lúka 2:10 - Fayam Midhab Yiesu Kiristoká He Hol Af Iđiny Kaanaká

¹⁰ Máá ˈgasso-, urru-, Waaˈgiet kinaal gáál geey, kieye, Haí bírginy. Bá dhaayyíe, yú fayam guđo-, geyyiny ˈgayyo-, gálkícho lulle ki midhabká hí ˈdu gáá sidhe.

Lúka 2:10 Iomraidhean Croise

Matááyo 14:27

Yíésu đo ál tikiˈde kinaallá ˈdéé hodhe, kieye, Haí néeny, he yú, sierm hayyíe! gáál yie.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Matááyo 28:5

Aalé máá ˈgasso-, urru kinaal mú María geey, kieye, Haí seerêny! Itín hát hí Yíésu gaalí ˈgór đarám yaalká ˈdú yieská hí ˈdu gáá chimieká yáá óg.

Márko 1:15

Kulich hé ali kí ˈdiiyye, Guch Waaˈgiet hé ká ˈjobonte. Hé ˈdeđewká hayyíe, Fayam Midhaballá iiy yiedhíe! muí gáál yie.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Lúka 1:13

Aalé mu Sakaría geey, kieye, Sakaría, ha bírginy. Waag visankú hé Waag hí maalle. Min kua Elísabet iny yab hai ko kí ˈdaalla. Íny meenylé shigichoká Yuána.

Lúka 1:19

Aalé máá ˈgasso-, urru kinaal mú geey, kieye, Yú he Gáburiel, giri Waag innumle gaa yaalká. Yú Waago ko ye ali ˈdu gáá kaayye, giri ko fayam midhaballá shiguoká.

Lúka 1:30

Aalé máá ˈgasso-, urru kinaal mú geey, kieye, María, ha néeny. Waag hé ko ˈdú ˈjiiyye.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 8:1

Hé kinaal đueká, Yíésu đo ˈjien gaa naanadhe, gálaat he oonisie, gáál Fayam Midhab Guch Waaˈgietká shie. Lali giri tomon a naamaká úba mú hol eedhdhe.

He Ekeny Gál Alb Fimiká 13:32

Nyíín Fayam Midhabká ke hí geđia: Waag héle hé eshim eshimkúnno he af iđiche.

Róóma 10:15

Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.