Fílemon 1:9 - Fayam Midhab Yiesu Kiristoká He Hol Af Iđiny Kaanaká

⁹ hé kinaal yú haya, ˈdaa giri ke gielmít hol ka ˈgúóllá gillo yú ko ki efe. Yáá Báulo lé-, káána karsich yie-, ˈdaa Yiesu Kiristoka hiigin gaa ijóóllá ye ónnob.

Fílemon 1:9 Iomraidhean Croise

Róóma 12:1

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Korínto ki Naamaká 5:20

Aaléka, nyiin nyí Kirísto gállé nannoká. Nyiin nyí gálaat fayam Kiristo ki ˈdiyeennoká he hát Waag íín gálaat gil ki egefiyyo. Gáál gillo nyí ki egefiyya, in nyí geđicha, ˈDaa Kiristoka Waag hol hiláa, nyí gáál chegedhe.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Eféso 3:1

Yáá Báulo lééllá ˈdaa giri Yiesu Kirísto hujich ki nannuo-, mú Fayamlé Midhaballá it hí gál Yuuˈdi muuninyallá ˈdú gáá sidhééllá in káána yú hiigin gaa ija.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 6:20

Yiesu Kirísto ˈdaa Fayam Midhaballáka, hé ye máá naanne hoy, in káána nyarugano ye ki ˈgee. Ye Waag kí viivitíe, giri yú nyaalilet-, fayamééllá hát ˈdabaanká yú ˈdiyeenká.

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Títo 2:2

Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Héberew 13:19

Hé yú hí súm net ˈdú gagadhoká he itín hí ye Waag kí vivisat-, giri yú hí ál ˈjob hol ˈdú gáá nannaatká.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.