Fílemon 1:24 - Fayam Midhab Yiesu Kiristoká He Hol Af Iđiny Kaanaká

²⁴ Mú Márko, Arístakos, ˈDémas, tá Lúka nyí hol hújích Kiristo ˈgar nanniyyáállá hé úba ko naa ká yie.

Fílemon 1:24 Iomraidhean Croise

He Ekeny Gál Alb Fimiká 12:12

Aalé mu héél kimiteká mu đo María ˈbílle sedhe. (María he Yuána giri Márko léká ˈjiellé.) Bétiro hátlé lalayká gál burnayká ˈbíl Maria kinaal hol ˈdú sedhe, he gaa ije, Waag gaa vivite.

He Ekeny Gál Alb Fimiká 12:25

Aalé Barnábas ubaa Sáwul hújíchlé gaalí mé ki koyká beeteká gaal Yerúsalem gaa kie. Gaal Yuána giri Márko léká eedhdhe, Ántiok hol ˈdú nadhe.

He Ekeny Gál Alb Fimiká 13:13

Aalé Báulo ubaa gállé hol ˈgieká kadich hile, Báfos gaa kie, Bérga giri lés Bamfiliaká ki fame. Yuána giri Márko léká gáál ál kinaal ki hay, Yerúsalem hol ˈdú nadhe.

He Ekeny Gál Alb Fimiká 19:29

ˈJien lulle ós kaadhdhe, gaal máá gaalí Gáyyos yegie-, ubaa máá gaalí Aristákos yegie-, Báulo hol Makeˈdónia gáá eedhdhe mare kas tikiˈdeká ki ˈgiiliˈgay, gáál ki ˈdoˈdodhe, gáál ˈjien náble ˈdú eedhdhe.

He Ekeny Gál Alb Fimiká 27:2

Aalé kádích Ađaramúten gáá yimie-, lés Asia hol ˈdú nannaat-, malgam les kinaalloká ki ˈdeˈdeen mare nyí hille, đo nyí kiiyye. Aristákos giri máá lés Makeˈdonia-, éget hí Dhesalonikeká úba nyáá nyí hol ˈgayye.

Korínto ki Naamaká 8:23

Títo íín he máá chia ˈdaakíchoka nyí hol hujich ˈgar nanniyyoká, tá nyaaram kúnnaa mú hol ˈgúóllá he gál gállé Kiristo-, lesalloká hí ali ká fie-, hújíchlé nannúól Kirísto ˈdúúw gaa shiguoká.

Filíbi 2:25

Tá yú tawueká Ebafuroˈdíto yú hí hol ˈdu gáá nannaa. Mu he nyár chia-, nyí hol hujich ˈgar nanniyya-, áwúlle nyí Fayam Midhaballá hol ˈgar lađaannaká. Mu íín úba he máá kíchia ˈgasiet-, hí ye ali ˈdu gáá kaayye-, hé ye ki ˈgeeˈgerneyká ye yiir kí chichiˈdeká.

Filíbi 4:3

Iiy-hí, kó ˈdúwa chia-, hújíchalka, ke hol ˈdú famééllo, ha yú ko ruogone, ˈdaa giri ˈdegééllá Fayam Midhaballáka nyí hol ˈgar laađaanneká, ˈdég ˈdú ˈjeeˈjémo. ˈDegééllá ubaa Keleménto tá gál éíy taaka-, meetle warˈgat luolmitiká gaa ijóóllá hujicho nyí hol ˈgar nanniyye.

Kolosááya 4:10

Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Kolosááya 4:14

Shééléch kúnnaa ki giel-, Lúka, giri gil óg-, gálaat ˈguor shiguoká ubaa ˈDémas hé hí naa ká yie.

Bétiro Erká 5:13

Gál Kiristo-, Waag hí itín hol ˈgar waarate-, Bábilon gaa ijóóllá hé hí naa ká yie. Iny chia Márko úba hé hí naa ká yie.

Yuána ki Seđeká 1:8

Aaléka, muun kí gál hatallóóllá ˈdú ˈjeeˈjeen, giri ke gáál ˈGíérích ˈDúwáállá hújíchle hol ˈgar nannuoká.