Fílemon 1:23 - Fayam Midhab Yiesu Kiristoká He Hol Af Iđiny Kaanaká

²³ Aaléka, Ebáfaros ˈdaa Yiesu Kiristoka gaalí nyí hol ˈgar hiigidhééllá, hé ko naa ká yie.

Fílemon 1:23 Iomraidhean Croise

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Kolosááya 1:7

It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.

Kolosááya 4:10

Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Fílemon 1:1

Yú he Báulo, máá Fayam Midhab Yiesu Kiristóóllá ˈdiiyiminyle ˈdugaka, gaalí hiigidheká. Warˈgatééllá yú ubaa nyár kúnnaa Tímote lééllá, kó nyí ko giel-, ke hujich hol ˈgar nannuo-, Fílemon lééllá nyí ko ˈdu gáá veeˈde.

Fílemon 1:9

hé kinaal yú haya, ˈdaa giri ke gielmít hol ka ˈgúóllá gillo yú ko ki efe. Yáá Báulo lé-, káána karsich yie-, ˈdaa Yiesu Kiristoka hiigin gaa ijóóllá ye ónnob.