२ तिमो 3:2 - दराई

² किकेकने उसे बेला मानुससब आफ्‍नके मत्‍रइ माया कर्‌लाहार, पइसाक लोभ कर्‌लाहार, घमन्‍डि, बड्‌क कुरा कर्‌लाहार, अरुक बिजेत कर्‌लाहार, उइया बुबाके नइजेटेर्‌लाहार, बइगुनि, अपबित्‍र,

२ तिमो 3:2 Iomraidhean Croise

लुका 12:15

फेरि ओनेनेइ उछिक मानुससब्‍के कहिकेभइल, “होस करुक्! सभइ किसिमक लोभ-लालचकमाटे जोगिकुन बसुक; किकेकने धन-सम्‍पति जत्‍का धेरइ भइने पुनु, उहाइ मानुसके जिबनचाहिँ नादेओइ।”

लुका 16:14

इसे सभइ कुरा सुनिकुन् फरिसिसबेइ येसुके ठट्‌टा कर्‌ल, किकेकने उसब धनक लोभि रहत।

लुका 6:35

तर आफ्‍न सत्‍रुके माया करुक्; उसब्‍के राम्र करुक्। फिर्‌ता पाउलाहार आस नराखिकुन उसब्‍के रिन दिउक, हसे तोहेसब बड्‌क इनाम पाउताहाउ, र परमेसोरक सन्‍तान भइताहाउ, किकेकने परमेसोरेइ बइगुनि र दुख देलारके पुनु माया कर्‌ताहात्।

प्रेरित 5:36

किकेकने इकते आघु थुदासेइ पुनु आफ्‍निके बड्‌क मानुस हखम कइकुन दाबि कर्‌तेखना लगभग चार सय जेना मानुससब उक्र पाछु लाग्‍ल। तर उख्राके मानुससबेइ मार्‌ल हसे उक्र पाछु लाग्‍लाहार जत्‍का छानाछित् भइकुन सभइ बेर्‌थ भइल।

२ थेस 2:4

उहाइ मोइ सभइसे बड्‌क हखम कहतिन् मानुससब्‍के यख्‍निसमन देउता ठान्‍लके र उसबेइ पुजा कर्‌ल सभइ थोकके बिरोध करित्। हसे मोइ परमेसोर हखम कहतिन् परमेसोरकइ घरयँ बोसित्।

१ तिमो 1:20

उसब मद्‌धेयँ हुमेनियस र अलेक्‍जेन्‍डर हखत। उसबेइ परमेसोरके नइजेराम्र कहिके छाडुस् कइकुन मोइ उसब्‍के सइतानक हाथयँ सोप्‍ल बाटम।

१ तिमो 1:9

मोसाक बेबस्‍था धर्‌माति मानुससब्‍के नइजे, तर बेबस्‍था नइजेमान्‍लाहार हसे परमेसोरक आग्‍या नइजेमान्‍लाहार, इसोर नइजेमान्‍लाहार, पापि, अपबित्‍र र खराबिसब, आफ्‍न उइया र बुबाके मार्‌लाहार, मानुस मार्‌लाहार, बेभिचारिसब, बेटासे बेटाइ बिहा कर्‌लाहार, अपहरन कर्‌लाहार, फटाहालार, धोखा देलाहार र सत्‍ते कुरासाङ नइजेमिल्‍लाहार कुरासब्‍कपाछु लाग्‍लाहार मानुससब्‍क लागि बन्‍ल हखइ कइकुन हाम्राके थाहा बाटइ।

१ तिमो 3:3

हसे उसब मोद-रक्‍सि खाइकुन मात्‍लाहार र रिसाहा नइजे बुरु उसब सभइ कुरा सहिके सक्‍लाहार, झग्रा र धनक लोभ नइजेकर्‌लाहार,

१ तिमो 6:10

किकेकने सभइ खराबक जह्रि नइ रुपियापइसा भइलगुनेइ, उहइ पइसाक लोभयँ पोरिकुन कोलोउ-कोलोउयेइ बिस्‍वास छाड्‌ल बाटत, हसे उसब आफुइ आफइके धेरइ दुखयँ पार्‌ल बाटत।

१ तिमो 6:4

उसे घमन्‍डइ फुल्‍ल भइत, र केहाउ नाजानइ। हसे बेर्‌थइयँ बाद-बिबाद करित्, र नाउनि-नाउनि सब्‍दके लेइकुन झग्रा करिके खोजित। जोनो कुराइ डाड, झग्रा, बदनामि र सङ्‌खा मत्‍रइ आनित।

२ तिमो 3:4

उसब धोखा देलाहार, मनयँ जिति आइत उहइ कर्‌लाहार, घमन्‍डइ फुल्‍लाहार, परमेसोरके माया करिके साटो मोजमस्‍तिके मन परालाहार,