Números 1:51 - DIOSPA QHELQACHISQ

⁵¹ Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Qheshwa Biblia DC

⁵¹ Maymanchus rinapajpis paykuna chay toldota phaskanqanku. Maymanchus chayaspataj paykuna watajmanta chay toldota sayarichenqanku. Pillapis mana levita kajqa chay toldoman qayllaykojtin wañuchisqa kanqa.

DIOSPA QHELQACHISQAN DEUTEROCANONICAL

⁵¹ Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Números 1:51 Iomraidhean Croise

2 Samuel 6:7

Chaypacha Tata Diosqa Uzapaj phiñakorqa, chay arcata mana manchachikuspa jap'iykusqanmanta. Diosqa chay kikinpi Uzata wañurparicherqa. Uzataj Diospa arcan qayllapi wañusqa choqakorqa.

Números 10:11

Egiptomanta llojsimusqanku iskay wataña kashajtin, iskay kaj killamanta iskay chunkayoj p'unchaypi, Dioswan Tinkukuna Toldo patamanta phuyu oqharikorqa.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 17:13

13 (28) Tata Dioswan Tinkukuna Toldoman tukuy qayllajkunaqa wañunku. Ajinaqa tukuyniykuchu wañusqayku? nispa.

Números 17:5

5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

Números 18:22

Chay waj israelitakunarí Dioswan Tinkukuna Toldoman mana qayllayta atenqankuchu. Qayllaspaqa juchallinkuman, chayraykutaj wañuchisqa kankuman.

Números 18:3

Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj.

Números 18:4

Levitakunaqa qanta yanapasonqanku, jinataj Dioswan Tinkukuna Toldopi imachus ruwanata ruwanqanku. Chaywanpis Leví jatun ayllumanta mana kajqa manapuni qayllamuyta atenqachu.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

Números 3:10

Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.

Números 3:38

Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.

1 Samuel 6:19

Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.