San Lucas 12:4 - DIOSPA QHELQACHISQ

⁴ Munasqa kawsaqeykuna, qankunaman niykichej: Ama manchachikuychejchu qankunata wañuchejkunata, imaraykuchus chaymanta astawanqa manaña imatapis ruwayta atisunkichejchu.

Qheshwa Biblia DC

⁴ Kausaqesníy, qankunaman niykichej: Ama manchachikuychejchu cuerpota wañuchejkunata; paykunaqa manaña imatapis ruwayta atinkuchu.

DIOSPA QHELQACHISQAN DEUTEROCANONICAL

⁴ Munasqa kawsaqeykuna, qankunaman niykichej: Ama manchachikuychejchu qankunata wañuchejkunata, imaraykuchus chaymanta astawanqa manaña imatapis ruwayta atisunkichejchu.

Quechua South Bolivia: Dios Parlapawanchej

⁴ Yachacojcunanta Jesús nerka: —Munacuskasníy, niyquichej ama ni jayc'aj manchachicunayquichejta cuerpollata wañuchejcunataka. Wañuchiskancumanta astawanka mana ni imatapis ruwancuñachu.

San Lucas 12:4 Iomraidhean Croise

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

TAKIYKUNA 5:16

Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

Isaías 41:8

Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Jeremías 1:17

Qantajrí mat'ita chumpiykukuspa, kallpachakuy. Rispataj, willamuy imatachus kamachiyki, chayta. Ama paykunata manchachikuychu, manachayrí noqa kikiy paykunaj ñawpaqenkupi qanta kharkatitichisqayki.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 41:18

Ajinata Caldeo soldadokunamanta ayqeyta yuyarqanku, imaraykuchus manchachikorqanku imatachus Babiloniata kuraj kamachej ruwananta Netaniaspa churin Ismaelqa Ajicanpa churin Gedaliasta wañuchisqanmanta. Kikin Babiloniata kuraj kamachejmin Gedaliasta churasqa Judapi kamachej kananpaj.

Ezequiel 2:6

Qanrí, runaj churin, imata nisojtinkupis, paykunamanta ama manchachikuychu, khishka chawpipi jina tarikuspapis, chayrí atojsillukuna chawpipi jina kashaspapis. Amapuni paykunaj parlasqankumanta manchachikuychu, amataj paykunaj ñawpaqenkupi kharkaychu, imaraykuchus paykuna contraypi oqharikoj ayllu kanku.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

San Juan 15:13

Pillapis kawsaqenkunarayku wañojqa imaynatapunichus paykunata munakusqanmanta yachayta qon.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 4:13

Chaypacha kurajkuna mayta t'ukorqanku Pedrotawan, Juantawan mana manchachikuspa parlajta rikuspa. Astawanqa chay kurajkuna yacharqanku Pedrowan, Juanwan mana sumaj yachaj runakunawanchu yachakusqankuta. Jinapis repararqanku paykuna Jesuswan khuska purisqankuta.

Filipenses 1:28

Contraykichejpi kajkunamanta ama manchachikuychejchu. Mana manchachikusqaykichejqa yachayta qon paykuna chinkayman rishasqankumanta, qankunataj qhespichisqa kasqaykichejmanta. Chaytaj Diosmanta.

Santiago 2:23

Ajinamanta Diospa Qhelqachisqanpi imatachus nisqan junt'akorqa: Abrahamqa Diospi atinikuspa nisqanmanta jap'ikorqa, chay jap'ikusqanraykutaj Diosqa Abrahamta cheqan runapaj qhawarqa, nispa. Ajinamanta Diosqa Abrahamta kawsaqenpaj rejsikaporqa.

1 Pedro 3:14

Sichus cheqanta ruwasqaykichejrayku ñak'arichisqa kankichej chayrí, may jina kusikuyniyojmin kankichej. Chayrayku, pikunachus ñak'arichisojkunata ama manchachikuychejchu, nitaj phutikuychejchu.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.