San Lucas 11:9 - DIOSPA QHELQACHISQ

⁹ Chayrayku niykichej: Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Qheshwa Biblia DC

⁹ Chaynejta niykichej: Mañakuychej, qosonqachejtaj; mask'aychej, tarinkichejtaj; punkuta takaychej, kicharimusonqachejtaj.

DIOSPA QHELQACHISQAN DEUTEROCANONICAL

⁹ Chayrayku niykichej: Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Quechua South Bolivia: Dios Parlapawanchej

⁹ Astawanpis niyquichej: Mañacullaychejpuni, Diosmin kosonkachej. Masc'allaychejpuni, Diosmin tarichisonkachej. Wajyallaychejpuni, Diostaj puncuta kancunaman quicharisonkachej.

San Lucas 11:9 Iomraidhean Croise

Salmos 118:5

Noqa sinch'i llakiyniyoj kashaspa, Tata Diosmanta mañakorqani, paytaj uyariwaspa, llakiyniymanta orqhowarqa.

Salmos 27:4

Kayllata Tata Diosmanta mañakuni, chayllatataj munani: Kawsanay p'unchaykama Tata Diospa wasinpi kayta munani, Templonpi payta yupaychanaypaj, ima munay kaynintataj qhawanaypaj.

Salmos 27:8

Sonqoyqa niwan: Tata Diosta mask'ay, nispa, noqataj, Tata Dios, qanta mask'ayki.

Salmos 34:10

10 (11) León uñakunaqa yarqhaymanta waqanku, Tata Diosta mask'ajkunarí ni imamanta pisichikonqankuchu.

Salmos 34:4

4 (5) Tata Diosta qhaparikorqani, paytaj uyariwarqa, jinataj tukuy manchachikusqaymanta pay librawarqa.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

TAKIYKUNA 5:6

Parlasqanta uyarejtiy, wañuy wañuy jap'iwarqa. Punkuta kicharerqani. Chaywanpis munasqayqa ripusqaña, mask'arqani nitaj tarikaporqanichu. Manaña chaypichu kashasqa. Wajyajtiypis, mana uyariwarqachu.

Isaías 45:19

Noqaqa mana pakaypichu parlani, nitaj maynej laqha ukhupichu. Manallataj Jacobpa mirayninta nerqanichu: Maypichus mana ima kanchu, chaypi mask'awaychej, nispa. Noqa Tata Diosmin maychus kajta parlani, cheqantataj imatapis willaykichej.

Jeremías 29:12

Chaypacha qankuna noqamanta mañakuwankichej, noqataj uyarisqaykichej.

Jeremías 33:3

Mañakuway, noqataj t'ukuna imakunata, chantá mana yachasqayki imakunata ima rejsichisqayki.

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

San Mateo 21:22

Kikillantaj sichus qankuna Diospi atinikuspa imatapis paymanta mañakunkichej chayqa, mañakusqaykichejta jap'inkichej, nispa.

San Mateo 21:31

Kunan niwaychej: Chay iskayninkumanta mayqentaj tatanpa munasqanta ruwarqari? nispa. Paykunataj kuticherqanku: Ñawpaj kaj, nispa. Jesustaj nerqa: Kayta sut'ita niykichej: Impuestota cobrajkuna, phisu warmikuna ima Diospa kamachiyninman qankunamanta aswan ñawpajta yaykonqanku.

San Mateo 6:29

Chaywanpis, ñawpa kuraj kamachej Salomonqa may qhapaj kaspapis, manapuni chay t'ika jinallapis munayta p'achallikorqachu.

Marcos 11:24

Chayrayku noqa niykichej: Diosmanta imatapis mañakuspaqa, jap'inaykichejtapuni creeychej, jap'inkichejtaj.

Marcos 13:37

Chayrayku imatachus qankunaman niykichej, chayllatataj tukuy runatapis nini: Ama puñuspa, wakichisqapuni kaychej, nispa. Ajinata Jesús nerqa.

San Lucas 11:10

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharenqa.

San Juan 14:13

Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Juan 15:7

Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

2 Corintios 6:2

Diospa Qhelqachisqanpi pay nin: Khuyakunay p'unchay chayamojtin, uyarerqayki, qhespichina p'unchaypitaj yanaparqayki, nispa. Kunanmin khuyakuyta tarina p'unchay, kunanmin qhespichisqa kana p'unchayqa.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

Hebreos 4:16

Chayrayku noqanchej mana manchachikuspa, may jina munakuyniyoj Diospa ñawpaqenman qayllaykunachej. Payman qayllaykuspataj, khuyakuyninta, chantá qhasilla k'acha yanapaynintawan tarisunchej, necesitasqanchej p'unchaypi yanapanawanchejpaj.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.

Santiago 5:15

Paykuna tukuy sonqo mañapojtinkutaj, onqosqa runa qhaliyaponqa, Tukuyta Kamachej Diostaj payta sayarichenqa. Sitajchus juchallikorqa chayqa, Diosqa juchallisqanta pampachallanqataj.

1 Juan 3:22

Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.