San Juan 7:3 - DIOSPA QHELQACHISQ

³ Jinapi Jesuspa wawqenkuna payta nerqanku: Kaymanta llojsispa, Judeaman riy, jaqaypi kaj yachachisqaykikunapis ruwasqaykita rikunankupaj.

Qheshwa Biblia DC

³ Jesusmantaj wauqesnin nerqanku: Ripuy kaymanta Judeaman, yachachisqasniykipis ruwasqasniykita rikunankupaj.

DIOSPA QHELQACHISQAN DEUTEROCANONICAL

³ Jinapi Jesuspa wawqenkuna payta nerqanku: Kaymanta llojsispa, Judeaman riy, jaqaypi kaj yachachisqaykikunapis ruwasqaykita rikunankupaj.

Quechua South Bolivia: Dios Parlapawanchej

³ Chayraycu Galileapi Jesuspa waukesninpis payman nerkancu: —Yachachiskasniyquipis ruwaskayquita khawanancupaj rillayña caymanta Judea jallp'aman.

San Juan 7:3 Iomraidhean Croise

Génesis 37:20

Jamuychej, payta wañuchisunchej, chaymantataj uj ch'aki pujyuman ayanta wijch'uykusunchej. Chantá nisunchej: Ima phiña animalchá mikhuykun, nispa. Chantá mosqokusqan imapichus parasqanta qhawasunchej, nispa.

Jeremías 12:6

Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

San Mateo 12:46

Jesús runakunaman parlashajtillanraj, maman, wawqenkuna ima jawapi suyasharqanku, paywan parlayta munaspa.

Marcos 3:21

Jinapi Jesuspa ayllunkuna imachus kasqanta yachaspa, payta pusakapunankupaj jamorqanku, imaraykuchus mana yuyayninpichu kasqanta yuyarqanku.

Marcos 3:31

Chay qhepata Jesuspa maman, wawqenkuna ima chayamorqanku. Chantá, jawallamanta payta wajyajta kacharqanku.

San Lucas 8:19

Maypichus Jesús kasharqa, chay cheqaman maman chantá wawqenkuna ima jamorqanku. Chaywanpis mana qayllaykuyta aterqankuchu runakuna k'iski kasqankurayku.

San Lucas 8:20

Jinapi Jesusman willacherqanku: Mamayki, wawqeykikunawan ima jawapi mask'ashasunku, qanwan tinkukuyta munaspa, nispa.

San Juan 2:2

Jesús, chantá yachachisqankuna ima chay casarakuyman rinankupaj wajyarisqa karqanku.

San Juan 6:60

Jesuspa parlasqanta uyarispa, yachachisqankunamanta ashkha nerqanku: Chay nisqanqa mana jap'ikunapaj jinachu. Pitaj payta kasuyta atinmanri? nispa.

San Juan 6:66

Chaymantapacha Jesuspa yachachisqankunamanta payta ashkha saqerparerqanku, manañataj paywanchu purerqanku.

San Juan 7:10

Wawqenkuna raymiman risqankumanta qhepata, Jesuspis raymiman rillarqataj pakayllamanta, mana runawan rikuchikuspa.

San Juan 7:4

Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.

San Juan 7:5

Wawqenkuna chayta nerqanku, imajtinchus paykunapis Jesuspi mana atinikorqankuchu.

Hechos 2:14

Chantá Pedroqa Jesuspa chunka ujniyoj kuraj kachankunawan khuska kashaspa, sayariytawan jatunmanta parlarqa: Judiokuna, Jerusalenpi tukuy tiyakojkuna ima, kayta qankuna yachanaykichej tiyan. Chayrayku allinta uyariwaychej.

1 Samuel 17:28

Davidpa kuraj kaj wawqen Eliabtajrí soldadokunawan parlasqanta uyarispa, Davidpaj phiñarikorqa, nerqataj: Imamantaj kayman jamorqankiri? Pimantaj pisi ovejakunata ch'in pampapi saqerqankiri? Noqa rejsiyki machu machu kasqaykita, sajra sonqo kasqaykitapis. Qanqa maqanakuta qhawanaykiraykulla jamunki, nispa.