San Juan 5:10 - DIOSPA QHELQACHISQ

¹⁰ Chayrayku judiokunaj kurajninkukuna chay runata nerqanku: Samarina p'unchay kasqanrayku, puñunaykita mana apayta atinkichu, nispa.

Qheshwa Biblia DC

¹⁰ Chayraykutaj judiosqa thañisqa runaman nerqanku: Kunan samarina p'unchay kasqanrayku, mana atinkichu puñunaykita apakapuyta.

DIOSPA QHELQACHISQAN DEUTEROCANONICAL

¹⁰ Chayrayku judiokunaj kurajninkukuna chay runata nerqanku: Samarina p'unchay kasqanrayku, puñunaykita mana apayta atinkichu, nispa.

Quechua South Bolivia: Dios Parlapawanchej

¹⁰ Chayraycu israel curajcuna nisharkancu thañichiska runaman: —Ama callapuyquita apaychu. Samacuna p'unchay caskanraycu mana aticunchu, —nispa.

San Juan 5:10 Iomraidhean Croise

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Jeremías 17:21

Tata Dios nin: Allinta qhawakuychej: Ama samarina p'unchaypi q'epita q'epiychejchu, nitaj Jerusalenpa punkunnejta apaykuychejchu.

Jeremías 17:27

Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

San Mateo 12:10

Chaypitaj makin ch'akisqa uj runa kasharqa. Jinapi fariseokunaqa Jesusta ch'ataykuyta munaspa, taporqanku: Samarina p'unchaypi onqosqata qhaliyachiy atikunchu? nispa.

Marcos 2:24

Chayta rikuspa, fariseokunaqa Jesusta nerqanku: Qhaway, imaraykutaj yachachisqaykikuna samarina p'unchaypi imatachus mana ruwanata ruwashankuri? nispa.

Marcos 3:4

Chantá Jesús runakunata taporqa: Samarina p'unchaypi ima ruwanataj allin kanman: Allin kajtachu, chayrí mana allin kajtachu? Runata yanapanachu, chayrí wañupojta saqenachu? nispa. Paykunatajrí ch'inlla karqanku.

San Lucas 13:14

Chaywanpis tantakuna wasita qhawajqa phiñakorqa, Jesús samarina p'unchaypi chay warmita qhaliyachisqanmanta. Jinataj runakunaman nerqa: Semanapi sojta p'unchay tiyan imallatapis ruwanapaj. Chay p'unchaykunallapi jampichikoj jamuychej, amataj samarina p'unchaypeqa, nispa.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

San Lucas 6:2

Fariseokunatajrí paykunata taporqanku: Imaraykutaj samarina p'unchaypi mana ruwanata ruwashankichejri? nispa.

San Juan 1:19

Chaypacha Jerusalenmanta judiokunaj kurajninkukuna kacharqanku sacerdotekunata, chantá levitakunata ima Juanta tapunankupaj: Pitaj qan kanki? nispa.

San Juan 5:11

Paytajrí kuticherqa: Pichus qhaliyachiwaj niwarqa: Phulluykita oqharispa, wasiykiman ripuy, nispa.

San Juan 5:15

Chantá chay runa ripuspa, judiokunaj kurajninkukunaman willamorqa Jesús payta qhaliyachisqanta.

San Juan 5:16

Chayrayku wañuchiyta munaspa, paykuna Jesusta qhatiykacharqanku, samarina p'unchaypi mana ruwanata ruwasqanmanta.

San Juan 7:23

Moisespa kamachisqanta mana p'akiyta munaspa, qankuna samarina p'unchay kashajtinpis, qhari wawata circuncidankichej. Jina chayqa, imaraykutaj noqapaj phiñakushankichej suchu runata samarina p'unchaypi puririchisqaymantari?

San Juan 9:16

Chaypacha wakin fariseokuna nerqanku: Chayta ruwaj runataqa mana Dioschu kachamunman, imaraykuchus pay samarina p'unchayta mana respetanchu, nispa. Wakintajrí nisharqanku: Imaynatataj juchasapa runa chay jina t'ukunata ruwanmanri? nispa. Ajinata paykunaqa ujtataj ujtataj parlasharqanku.