San Juan 4:23 - DIOSPA QHELQACHISQ

²³ Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

Qheshwa Biblia DC

²³ Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan.

DIOSPA QHELQACHISQAN DEUTEROCANONICAL

²³ Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

Quechua South Bolivia: Dios Parlapawanchej

²³ Arí, p'unchaycuna jamushan, cunantaj chay p'unchaycunaka. [Cunantajmin cheka yupaychajcuna Dios Tatata tucuy sonkowan cheka yuyaywantaj payta yupaychanancu.] Chayjina yupaychajcunata Dios Tataka munan.

San Juan 4:23 Iomraidhean Croise

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Salmos 147:11

Tata Diosqa payta jatunchajkunawan sonqo junt'asqa, pikunachus khuyakuyniyoj kasqanpi atinikojkunawanpis kusikullantaj.

Salmos 17:1

(1b) Tata Dios, justicia ruwanawaykita mañakususqayta uyariway, qhaparikusqaytapis. Mañakusqayta uyariway, imaraykuchus mana llullakuspa mañakushayki.

Salmos 32:2

Kusikuyniyojmin, Tata Diospa mana juchachasqan runaqa, pejpa sonqonpichus q'otiyayta yuyana mana kanchu, chay runa.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

TAKIYKUNA 2:14

Urpilitáy, qaqa jusk'upi manchachikuna chhankapi pakakusqaykimanta uyaykita rikurichikuway ari. Parlarisqaykita uyarichiway á. Parlasqaykeqa sonqoyta t'ikarichiwan, uyaykitaj may k'achitumin.

Isaías 10:20

Chaypacha Israelpi pisi qhepakojkunaqa, Jacobpa mirayninmanta puchoj israelitakuna manaña paykunata ñak'arichejpichu atinikonqanku, manachayqa israelitakunaj May Llimphu Kaj Tata Diospi tukuy sonqo atinikonqanku.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 43:21

Israel aylluytaqa noqata yupaychanawanpaj ruwarqani. Aswan qhepamantaj paykuna tukuynejpi sutiyta jatunchanqankupuni.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Juan 12:23

Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

San Juan 16:2

Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta.

San Juan 16:32

Chay p'unchay chayamushanña, chayamunñapis, chaypachataj qankuna ch'eqerasqa kankichej. Sapa ujpis munasqaykichejman jina ripunkichej, noqatataj sapayta saqerpariwankichej. Chaywanpis mana sapaychu kasaj, imaraykuchus Tatayqa noqawan kashan.

San Juan 4:21

Chantá Jesús kuticherqa: Warmisita, kayta sut'ita niyki: Qhepanejmanqa mana kay orqopichu, nitaj Jerusalenpichu Tata Diosta yupaychankichej.

San Juan 5:25

Nillaykichejtaj: Chay p'unchay chayamunan karqa, kunantaj chayamunña. Chaypachataj wañusqakuna Diospa Churinpa wajyasqanta uyarenqanku, pikunachus uyarejkunataj kawsanqanku.

San Juan 5:28

Ama kay nisqaymanta t'ukuychejchu. Uj p'unchay chayamonqa, chaypachataj tukuy wañusqakuna Runaj Churinpa parlasqanta uyarenqanku.

Romanos 1:9

Noqaqa tukuy sonqo Diosta kasuni Churinmanta sumaj willayta willaspa. Paytaj yachan imaynatachus mana sayk'uspa qankunarayku mañapusqayta.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

Romanos 8:26

Ajinallataj Santo Espiritupis pisi kallpa kayninchejpi yanapawanchej. Noqanchejqa Dioswan parlarikuspa imatachus mañakunanchejta mana yachanchejchu. Santo Espiriturí mana niy atina simiwan ayqospa, noqanchejpaj mañapuwanchej.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Samuel 12:24

Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.